1 Kronekele 22:16 - Tshwa Bible

¹⁶ Kasike a nzalama ni siliva, ni suku ni ziketse, zona a zi hlayiwi. Suka u tira! Jehova ave zinwe na wena!

1 Kronekele 22:16 교차 참조

1 Tihosi 2:2

Mina nza famba ndleleni ya yontlhe misava. Hikwalaho tiyisa a mbilu ya wena, uva ni ntamu, u kombisa lezaku u wanuna. Jox. 23:14

1 Tihosi 7:47

Solomoni i lo siya zontlhe zibya na zi nga pimiwangi kutika ka suku, hakuva zi wa tele nguvu; a ku pimiwangi a kutika ka suku.

1 Kronekele 22:11

Makunu, nwananga, ngha Jehova ava zinwe na wena, u vuvuma, u aka a yindlu ya Jehova Nungungulu wa wena, khwatsi hi lezi yena a wulileko xungetano ha wena.

1 Kronekele 22:14

Languta, kwalomu kuhlokisweni ka mina nzi longisile za yindlu ya Jehova 100,000 wa titalenta ta nzalama, ni 1,000,000 wa titalenta ta siliva, ni suku ni ziketse, lezi zi nga hiko na kupimiwa xikalweni hi kota ya wunyingi ga zona. Nzi longisile ni tisinya ni maribye, wenawu kambe u ta zi engetela.

1 Kronekele 22:15

Nguvunguvu wena u na ni vatiri vanyingi: vavatli va maribye, ni vaaki, ni vavatli va mapulango, ni tontlhe tixaka ta vanhu va tlharihileko ka yontlhe mitiro.

1 Kronekele 22:3

I lo longisa a ziketse zo tala zo maha ha zona tikhokho ta tivati ta tinyangwa ni ta timhingu, ni suku wo tala nguvu wu nga hiko na kupimiwa.

1 Kronekele 28:10

Cuwuka makunu lezaku Jehova i ku hlawule a ku aka a yindlu ya ku basa. Tiya-ke, u tira!

1 Kronekele 29:2

Nzi ti karatile hi ntamu wa mina wontihe nzi longisela a yindlu ya Nungungulu wa mina, a nzalama ya lezi zi ta ngava za nzalama; a siliva ya lezi zi ta ngava za siliva; a suku wa lezi zi ta ngava za suku; a ziketse za lezi zi ta ngava za ziketse; a tisinya ta lezi zi ta ngava za tisinya; a maribye ya berile, ni maribye lawa ma ta nga tlhatekelwa, ni maribye yo khazamula, ni maribye ya mivala ya tixakaxaka, ni tixaka tontlhe ta maribye ya malongo, ni marmore yo basa yo tala nguvu.

2 Kronekele 1:1

Solomoni nʼwana Davida i lo tiyisa mufumo wakwe, Jehova Nungungulu wakwe na hi zinwe naye a mu kulisa nguvu.

2 Kronekele 20:17

A hi nwina mu ta ngalwa yimpini leyi: nwina humani mu ya yima ntsena. Mu ta wona a kuhanyisa ka Jehova loyi a nga zinwe na nwina. Mu nga chavi nwina va ka Juda na nwina va le Jerusalema mu mbhela ntamu, manziko fambani mu ya va vuka, Jehova i tava zinwe na nwina. Ekso. 14:13

1 Va le Korinte 15:58

Hikwalaho vamakabye va mina va ranzekako, tiyani muku ndende, mu nga tsekatseki, kanilezi mu anza mitirweni ya Hosi xontlhe xikhati, na mu tiva lezaku a ntiro wa nwina a hi wa ipahala Hosini. 2 Kro. 15:7; 2 Ped. 3:14

Va le Efesusi 5:14

Hikwalaho i ngalo: Khindlimuka wena loyi u etleleko, u vu ka hi ka vafileko, Kristu i ta ku woninga. Isa. 60:1; Joh. 5:25; Rom. 6:4, 5

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Joxua 1:2

A nanza ga mina Mosi i file; hikwalaho suka wena u ya tlhatuka loyi Jordani, wena ni vontlhe lava vanhu, mu ya enghena a tikweni legi nzi nyikileko a vanana va ka Israeli.

Joxua 1:5

A ku kona munhu loyi a ta nga tiya a yima mahlweni ka wena ka wontihe masiku ya wutomi ga wena; khwatsi hi lezi nzi nga hi na Mosi, nzi tava na wena, cima nzi nga ta ku tsika, hambu ni ku ku siya.

Joxua 1:9

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.

Joxua 7:10

Jehova i te ngalo ka Joxua: Vuka, u ti wisela yini hi nghohe ya wena ke?

Valamuli 4:14

Debora aku ka Barake: Suka, hakuva nyamutlha hi gona siku legi Jehova a nyikeleko Sisera canjeni ga wena! Jehova a nga ku rangelangi mahlweni ke? Zinghaho Barake i lo relela hi le xitsungeni xa Tabora ni 10,000 wa vavanuna.

1 Samueli 17:37

Davida a engeta aku: Jehova loyi a nga nzi ponisa canjeni ga nghala ni ga urso, hi yaloye a ta nga nzi ponisa canjeni ga loyi muFilistia. Zonake Saule i te ngalo ka Davida: Famba, Jehova ave na wena!

1 Samueli 20:13

Jehova a mahe hi ntamu ka Jonatani, ni ku engeta kambe! Ni kambe loku dadani a xuva ku maha kubiha ha wena, nzi ta ku tivisa nzi ku byela lezaku u tsutsuma, u famba hi kurula. Jehova a ave zinwe na wena khwatsi hi lezi a nga hi zinwe na dadani.