1 Kronekele 22:15 - Tshwa Bible

¹⁵ Nguvunguvu wena u na ni vatiri vanyingi: vavatli va maribye, ni vaaki, ni vavatli va mapulango, ni tontlhe tixaka ta vanhu va tlharihileko ka yontlhe mitiro.

1 Kronekele 22:15 교차 참조

2 Samueli 5:11

Zonake Hiramu a hosi ya le Tire i lo rumela mitsumi ka Davida zinwe ni tisinya ta sedare, ni vavatli ni vaaki a ku ta aka a yindlu ya Davida.

1 Tihosi 7:14

I wa hi nʼwana wa noni ya lixaka la ka Naftali, kanilezi a raru wakwe i wa hi munhu wa le Tire, a mufuli wa suku. Hiramu i wa tlharihile nguvu, i wa hi ni kupima, ni wutivi ga tontlhe tixaka ta mitiro ya suku. Yena i lota ka Solomoni a ta tira mitiro yontlhe yakwe. Ekso. 31:3

1 Kronekele 22:14

Languta, kwalomu kuhlokisweni ka mina nzi longisile za yindlu ya Jehova 100,000 wa titalenta ta nzalama, ni 1,000,000 wa titalenta ta siliva, ni suku ni ziketse, lezi zi nga hiko na kupimiwa xikalweni hi kota ya wunyingi ga zona. Nzi longisile ni tisinya ni maribye, wenawu kambe u ta zi engetela.

1 Kronekele 22:16

Kasike a nzalama ni siliva, ni suku ni ziketse, zona a zi hlayiwi. Suka u tira! Jehova ave zinwe na wena!

2 Kronekele 2:6

Kanilezi himani a nga ni ntamu wa ku mu akela a yindlu ke? Hakuva hambu a tilo ni tilo ga matilo a ma zi koti ku mu enela. Makunu mina nza kuva mani wo kala nzi mu akela a yindlu, loku yi nga hi ya ku hisela ka yona libani mahlweni kakwe ke? Isa. 66:1; Jer. 23:24; Miti. 7:48

2 Kronekele 2:7

Hikwalaho nzi rumele a munhu a tlharihileko mitirweni ya nzalama ni ya siliva, ni ya suku, ni ya ziketse, ni ya za muvala wo zirila ni wa zo pswhuka, ni wa zo palala, ni lava va tivako ku vatla, kasi va fela ku tira ni vanhu va mina va lomu tikweni ga ka Juda ni Jerusalema, lava va hlawulweko hi dadani wa mina Davida.

Eksodusi 28:6

Va ta maha a efode hi nzalama, ni wukuxe, ni kuzirila, ni kupswhuka, ni wukene go saseka gi khatilweko, hi mitiro ya wutlhari.

Eksodusi 35:32

ni ku pola yinwani mitiro, ni ku maha mitiro hi nzalama pi siliva, ni suku;

Eksodusi 35:35

Lava i va nyikile wutlhari kasi va fela ku tira mitiro yo kehla, ni ya wuluki ga za wukuxe, ni zo zirila, ni zo pswhuka, ni za wukene go saseka, lezaku kasi va fela ku maha mitiro yontlhe, ni ku pola yinwani.