1 Kronekele 22:14 - Tshwa Bible

¹⁴ Languta, kwalomu kuhlokisweni ka mina nzi longisile za yindlu ya Jehova 100,000 wa titalenta ta nzalama, ni 1,000,000 wa titalenta ta siliva, ni suku ni ziketse, lezi zi nga hiko na kupimiwa xikalweni hi kota ya wunyingi ga zona. Nzi longisile ni tisinya ni maribye, wenawu kambe u ta zi engetela.

1 Kronekele 22:14 교차 참조

1 Tihosi 10:14

A kubinza ka nzalama leyi yi nga wata ka Solomoni lembe ni lembe, ku wa hi 666 wa titalenta ta nzalama,

1 Tihosi 7:47

Solomoni i lo siya zontlhe zibya na zi nga pimiwangi kutika ka suku, hakuva zi wa tele nguvu; a ku pimiwangi a kutika ka suku.

2 Tihosi 25:16

A timhanze leti ta timbiri, ni bimbi, ni zikhatelo lezi Solomoni a nga wa zi mahele a yindlu ya Jehova, a suku wa zontlhe lezi a wu pimiwangi laha xikalwini.

1 Kronekele 22:15

Nguvunguvu wena u na ni vatiri vanyingi: vavatli va maribye, ni vaaki, ni vavatli va mapulango, ni tontlhe tixaka ta vanhu va tlharihileko ka yontlhe mitiro.

1 Kronekele 22:3

I lo longisa a ziketse zo tala zo maha ha zona tikhokho ta tivati ta tinyangwa ni ta timhingu, ni suku wo tala nguvu wu nga hiko na kupimiwa.

1 Kronekele 29:2

Nzi ti karatile hi ntamu wa mina wontihe nzi longisela a yindlu ya Nungungulu wa mina, a nzalama ya lezi zi ta ngava za nzalama; a siliva ya lezi zi ta ngava za siliva; a suku wa lezi zi ta ngava za suku; a ziketse za lezi zi ta ngava za ziketse; a tisinya ta lezi zi ta ngava za tisinya; a maribye ya berile, ni maribye lawa ma ta nga tlhatekelwa, ni maribye yo khazamula, ni maribye ya mivala ya tixakaxaka, ni tixaka tontlhe ta maribye ya malongo, ni marmore yo basa yo tala nguvu.

Jeremia 52:20

A timhanze leʼta timbiri, ni bimbi, ni 12 wa tikuzi ta suku leti ti nga hi lahasi ka zikhatelo, lezi hosi Solomoni a nga zi mahela a yindlu ya Jehova, a suku wa kona wa zontlhe lezo a wu na nga pimiwa xikalwini. 1 Tih. 7:15

Mitsengo 7:85

a ngelo munwe ni munwani wu wa hi siliva, ni kutika ka wona hi 130 wa maxekeli, ni mukhelo munwe ni munwani wu wa hi siliva, ni kutika ka wona hi 70 wa maxekeli; zontlhe zibya lezi za siliva zi wa tika 2,400 wa maxekeli, hi xekeli ga wutshamu ga kubasa.

2 Va le Korinte 8:2

Hambu lezi va nga hi nzhingweni wa kuxaniseka ka hombe va wa tsaka nguvu, ni lomu wusiwaneni gi etileko va lo nyikela hi matsenya. Mar. 12:44