1 Kronekele 22:13 - Tshwa Bible

¹³ Zonake wena u ta vuvuma, loku u lonzowota ni ku hlayisa a milayo ni zileletelo za Jehova lezi a nga leletela va ka Israeli hi nomu wa Mosi. Tiya hlana, u ngave na hlenekera! U nga chavi, u mbhela ntamu! Deut. 31:7; Jox. 1:7

1 Kronekele 22:13 교차 참조

1 Tihosi 2:2

Mina nza famba ndleleni ya yontlhe misava. Hikwalaho tiyisa a mbilu ya wena, uva ni ntamu, u kombisa lezaku u wanuna. Jox. 23:14

1 Tihosi 2:3

Hlayisa milayo ya Jehova Nungungulu wa wena, u famba hi tindlela takwe, u hlayisa zileletelo zakwe, ni milayo yakwe, ni nongameto wakwe, ni wukustumunyu gakwe khwatsi hi lezi zi tsalilweko nayweni wa Mosi, kasi u fela ku tlhariha zilweni zontlhe lezi u ta nga zi maha ni kwihi laha u yako kona;

1 Kronekele 28:10

Cuwuka makunu lezaku Jehova i ku hlawule a ku aka a yindlu ya ku basa. Tiya-ke, u tira!

1 Kronekele 28:20

Davida i lo engeta kambe aku ka nʼwana wakwe Solomoni: Tiya hlana, u ngavi na hlenekera; maha zalezo! U nga chavi, u nga mbheli ntamu, hakuva Jehova Nungungulu, yena Nungungulu wa mina, i tava zinwe na wena; cima a nga ta ku tsika hambu ni ku ku rivala ka yontlhe mitiro ya yindlu ya Jehova kala yi mbhela.

1 Kronekele 28:7

Nzi ta yimisa mufumo wakwe kala kupinzuka, loku yena a simama ku hlayisa a milayo ya mina, ni zileletelo za mina, kota nyamutlha.

2 Kronekele 14:6

I lo aka a miti ya makhokhola lomu tikweni ga ka Juda, hakuva a tiko gi wa rulile; ku wa nga hi na yimpi lomu tikweni ka lawo malembe, hakuva Jehova i wa mu nyikile kuhumula.

2 Kronekele 20:20

Hi siku gi gamelako va lo suka ni mixo va loya tlhelo ga xiwula xa le Tekoa; va te na va ha suka, Jehoxafate i lo yima, aku: Hi nga zwani nwina vaJuda na nwina vaaki va Jerusalema! Tsumbani Jehova Nungungulu wa nwina, mu ta tiyiswa; tsumbani vaprofeti vakwe, mu ta humelela!

2 Kronekele 26:5

I lo chivirika ku hlota Nungungulu masikwini ya Zakaria loyi a nga wa pimisisa miwoniso ya Nungungulu; a masiku wontihe lawa a nga wa hlota Jehova, Nungungulu! lo mu katekisa.

2 Kronekele 32:7

Tiyani hlana! Mu nga chavi mu mbhela ntamu hi kota ya hosi ya le Asiria ni xidlemo lexi a nga naxo, hakuva lava va nga na hina va tele nguvu ku hunza lava va nga na yena. 2 Tih. 6:16; 1 Joh. 4:4

Tisimu 1:3

I fanana ni sinya yi byelweko kusuhi ni micongo ya mati, Leyi yi pswalako a mihanzu ya yona hi nguva ya yona, Leyi a matluka ya yona ma nga wuniko; Zontlhe lezi a zi mahako za vuvuma.

Tisimu 119:6

Zonake nzi nga tava na tingana, Laha na nzi chela kota hi zileletelo za wena.

Tisimu 72:1

Nungungulu, nyika zilayelo za wena ka hosi. Ni nʼwana wa hosi u mu nyika kululama ka wena.

Hagai 2:4

Hambulezo tiyisa, Zerubabeli, ku wula Jehova; tiyisa na wena Joxua nʼwana Jehozadaki, mupristi wa hombe; tiyisani nwina nwentlhe vanhu va tiko, ku wula Jehova, mu tira, hakuva nzi na nwina, ku wula Jehova wa tiyimpi,

Zakaria 8:9

Jehova wa tiyimpi i ngalo: Tiyani hlana, nwina lava mu zwako a timhaka leti ti humako milonwini ya vaprofeti lava va nga kanela masikwini lawa ku nga sanguliwa ha wona a yindlu ya Jehova wa tiyimpi, lezaku ku akiwa a tempeli.

Mateu 3:15

Jesu i lo hlamula aku kakwe: Lezi a zive tano; hakuva zinghaho hi fanele ku tatisa kululama kontlhe. Zonake Johani i lo mu vumela.

Mitiro 13:22

Kanilezi i lo mu susa, a yimisa Davida a kuva hosi yabye, loyi Nungungulu a nga maha wukustumunyu ha yena, aku: Nzi mu kumile Davida nʼwana Jese, a nga munhu wa mbilu ya mina, loyi a ta nga maha kontlhe kuranza ka mina. 1 Sam. 16:1, 13; Tis. 89:20

1 Va le Korinte 16:13

Rinzelani, muku nde kukholweni, mu maha xinuna, muva ni ntamu.

Va le Galatia 6:2

Rwalelanani minzhwalo; lezo mu tatisa a nayo wa Kristu. Joh. 13:14; Rom. 15:1

Va le Efesusi 6:10

Hi kugumesa, tiyani Hosini, ni ntanwini wakwe wa hombe.

2 Timote 2:1

Wena-ke, nwananga, ngha uva ni ntamu tipswalweni leti ti nga ka Kristu Jesu. Efe. 1:19; 3:16; 6:10; Kol. 1:11; 1 Tim. 1:2

Jakobe 2:8

Kanilezi mu maha khwatsi loku mu tatisa a nayo wa wuhosi, kota lezi Mitsalo yi nge ngalo: U ta ranza wakelene na wena kota lezi u ti ranzako wena. Levi 19:18; Mat. 22:39

Joxua 1:18

Kani hi wihi a ta nga ala ku maha zileletelo za wena, a nga ingisi timhaka ta wena leti u ta nga hi leletela ka zilo zontlhe, loye munhu i ta dawa. Ntsena lezaku wena u tiya hlana u nga mbheli ntamu.