1 Kronekele 21:30 - Tshwa Bible

³⁰ Kanilezi Davida i lo tsanzeka a kuya mahlweni ka alati lego a ya wutisa ka Nungungulu, hi kota yo chava a supado ya ngelosi ya Jehova.

1 Kronekele 21:30 교차 참조

2 Samueli 6:9

A siku lego Davida i lo chava Jehova, aku: Makunu a arke ga Jehova gi ta tisa kuyini lomu ndlwini ya mina?

1 Kronekele 13:12

A siku lego Davida i lo chava Jehova, aku: Nzi ta gi nehisa kuyini a arke ga Nungungulu lomu ndlwini ya mina ke?

1 Kronekele 21:16

Laha Davida a nga tlakusa a mahlo yakwe i lo wona a ngelosi ya Jehova na yi yima laha xikari ka tilo ni misava, na yi welele supado canjeni ga yona yi tlakusela Jerusalema. Zonake Davida ni masingalakati va lowa lahasi hi tinghohe tabye na va ambele a tinguwo ta tisakwa.

1 Kronekele 21:29

Hakuva a tabemakeli ga Jehova legi Mosi a nga wa gi mahile le xiwuleni, ni alati ga minyikelo ya kuhiswa zi wa ha hi le xitsungeni xa le Gibeoni hi lexo xikhati.

1 Kronekele 22:1

Zonake Davida i te ngalo: A yindlu ya Jehova Nungungulu yi tava kwalaha, ni alati ga munyikelo wa kuhiswa wa va ka Israeli gi tava kwalaha.

Joba 13:21

Susa canja ga wena hehla ka mina; Ni kutshisa ka wena ngha ku nga nzi cheli wutoya.

Joba 21:6

Loku nzi zi alakanya, nza chava, Ni miri wa mina wa rurumela.

Joba 23:15

Hi lezo zi nzi rurumelisako mahlweni kakwe; Ni loku nzi zi alakanya, nza mu chava nguvu.

Tisimu 119:120

A miri wa mina wa rurumela hi ku chava wena, Nza chava ni kulamula ka wena.

Tisimu 90:11

Himani a tivako a ntamu wa zanga ya wena? Ni kuholova ka wena, lezaku kasi a chava wena kota lezi ku faneleko.

Jeremia 10:7

O Hosi ya matiko, himani a nga ku chaviko? U fanele ku chabyiwa, Hakuva xikari ka tontlhe titlhari ta vamatiko, Ni ka mifumo yabye yontlhe, Cima a nga kona loyi; a fananako na wena. Kuv. 15:8

Jeremia 5:22

Xana a mu nzi chavi ke? ku wula Jehova; mu nga ta rurumela mahlweni ka mina ke? Mina loyi nzi nga veka a seke a kuva mbhingano wa bimhi wa kala kupinzuka, lezaku gi nga zi koti ku wu hunza. Hambu loku a mabyandlati ma gobhoza hi ntamu a ma zi koti ku hlula, hambu loku gi nga dzinza-dzinza hi ntamu, cima gi nga ta hunza. Joba 26:10; Tis. 104:9

Deuteronome 10:12

Makunu-ke Israeli, Jehova Nungungulu wa wena i lava yini ka wena ke? A hi lezaku u mu chava Jehova Nungungulu wa wena, u famba hi tontlhe tindlela takwe, u mu ranza, u tirela Jehova Nungungulu wa wena hi mbilu yontlhe ya wena, ni muhefemulo wontihe wa wena;

Kuvululelwa 1:17

Na nzi mu wonile nzi lowa lahasi mikonzweni yakwe nzi ku khwatsi nzi file. Yena i lo tlhateka canja gakwe ga xinene hehla ka mina, aku: U nga chavi, nzi Wa kusangula ni Wa kugumesa, Isa. 41:4; Ezek. 1:28; Dan. 10:10

Kuvululelwa 15:4

Himani a ta nga kala ku ku chava, wena Hosi, A nga dzunzeleti a vito ga wena ke? Hakuva hi wena wece u basileko, A matiko wontihe ma tata ma ta ku khizamela: Hakuva a mitiro ya wena yi lulamileko vi wonekelisilwe. Ekso. 15:14-16; Isa. 66:23