1 Kronekele 21:26 - Tshwa Bible

²⁶ Davida i lo aka laho a alati ga Jehova, a maha miphahlo ya kuhiswa ni ya kubonga, a khongela ka Jehova. Yena i lo mu hlamula hi nzilo, wuta hi le tilweni laha alatini ga muphahlo wa kuhiswa.

1 Kronekele 21:26 교차 참조

1 Tihosi 18:24

Zonake nwina mu ta khongela ka nungungulu wa nwina, minawu nzi ta khongela ka Jehova. A nungungulu loye a ta nga hlamula hi nzilo, hi yena a nga Nungungulu. A vanhu vontlhe va lo hlamula, vaku: Hi zona, zinene lezo!

1 Tihosi 18:38

Zonake a nzilo wa Jehova wu lota wu ta mbhetisa a muphahlelo wa kuhiswa, ni tihunyi ni maribye, ni misava; wu pswonga ni mati ya lomu nkeleni. Levi 9:24; Vala. 6:21; 2 Kro. 7:1

1 Kronekele 21:27

Zonake Jehova i lo byela a ngelosi a ku tlhelisa a supado kocelweni wa yona.

2 Kronekele 3:1

Zonake Solomoni i lo sangula ku aka a yindlu ya Jehova le Jerusalema, laha xitsungeni xa Moria, laha Jehova a nga woneka ka raru wakwe Davida, le nzhimbyeni wa Ornani a mujebusi, a wutshamu gi longisilweko hi Davida.

2 Kronekele 7:1

Laha Solomoni a nga wa gumesile ku khongela, ku lo relela a nzilo hi le tilweni wu ta pswhumula a muphahlo wa kuhiswa, zonake a kungangamela ka Jehova ku lo tata a yindlu. Levi 9:24; Vala. 6:21

Tisimu 51:15

Hosi, vulula milomu ya mina, Zonake a nomu wa mina wu ta tshawutela a kudumisa ka wena.

Tisimu 91:15

I ta rila ka mina, nzi ta mu hlamula, Nzi tava naye a khombyeni; Nzi ta mu ponisa, nzi mu maha a dzunziwa.

Tisimu 99:9

Kulisani Jehova, Nungungulu wa hina, Khozelani xitsungeni xakwe xo basa, Hakuva Jehova, Nungungulu wa hina i basile.

Mavingu 15:8

A muphahlo wa va kubiha manyala ka Jehova; anilezi i tsakiswa hi mukombelo wa valulamileko.

Isaya 65:24

Ku ta maheka lezaku na va nga se ku vitana nzi ta va hlamula, Ni loku va ha wulawula nzi ta ingisa. Gen. 24:15; Dan. 9:23; Mat. 7:7

Jeremia 33:3

Vitana ka mina, nzi ta ku hlamula, nzi ku komba zilo za hombe, leʼzi fihlilweko lezi u nga zi tiviko.

Levi 9:24

Ni nzilo wu lo huma mahlweni ka Jehova wu hisa a muphahlo wa kuhiswa, ni mafura laha alatini. Ni vanhu vontlhe va lo zi wona, zonake va lo kanyuluka hi kutsaka, va ti wisa lahasi hi tinghohe tabye. 2 Kro. 7:1

Mitsengo 16:50

Zonake Aroni i lo tlhelela ka Mosi le nyangweni ya tenda ga mutlhangano, hakuva a ntungu wu wa khawulile.

Valamuli 13:20

Hakuva ku te laha a nzilo wa alati wu nga kari wu ngengemela, yonawu ngelosi ya Jehova yi lo tlakukela hehla hi lomu langavini ga nzilo wa alati, Manoa ni sati wakwe na kari va zi wona. Va lowa lahasi hi tinghohe tabye.

Valamuli 6:21

Zonake a ngelosi ya Jehova yi lo zi xungameta hi magumo ka nhonga leyi yi nga wa welele canjeni ga yona, yi khumba a nyama ni zibaba zi nga comelwangiko. Laho ku lo vura nzilo na wu huma hi lomu ribyeni, wu hisa a nyama ni zibaba zi nga comelwangiko; zonake a ngelosi ya Jehova yi lo nyamalala. Levi 9:24; 1 Tih. 18:38