1 Kronekele 21:16 - Tshwa Bible

¹⁶ Laha Davida a nga tlakusa a mahlo yakwe i lo wona a ngelosi ya Jehova na yi yima laha xikari ka tilo ni misava, na yi welele supado canjeni ga yona yi tlakusela Jerusalema. Zonake Davida ni masingalakati va lowa lahasi hi tinghohe tabye na va ambele a tinguwo ta tisakwa.

1 Kronekele 21:16 교차 참조

Genesisi 3:24

I lo mu hlongola Adamu; i lo yimisa a makerubima hi le Mutsuwuka-gambo wa simu ga Edeni, ni supado yi karihako matlhelo wontihe, kasi ku rinzela a ndlela ya sinya ya wutomi. Tis. 104:4

1 Tihosi 21:27

Makunu laha Ahabi a ngazwa timhaka leti, i lo hanzula a tinguwo takwe, a ambala a tinguwo ta tisakwa, a yila. I lo etlela ni tinguwo ta tisakwa, a famba hi kunyanima.

2 Tihosi 19:1

Laha hosi Hezekia a nga wa zi zwile, i lo hanzula a tinguwo takwe, a fenengela a tinguwo ta tisakwa, a enghena lomu ndlwini ya Jehova. Isa. 37:1

2 Tihosi 6:17

Elixa i lo khongela, aku: Jehova, vulula a mahlo yakwe, kasi a fela ku zi wona. Jehova i lo vulula a mahlo ya nanza gi wona a xitsunga na xi tele hi mahaxi ni tikareta ta nzilo na zi ranzele Elixa. Gen. 32:1

Ezekieli 30:25

Nzi ta seketela a mawoko ya hosi ya le Babuloni, a mawoko ya Faro ma tawa. Vona va ta zi tiva lezaku hi mina Jehova laha nzi ta nga veka a supado ya mina canjeni ga hosi ya le Babuloni, a gi nawuluta hehla ka tiko ga Gipite.

Ezekieli 9:8

Laha va nga kari va hlasela, mina na nzi sele nzhako, nzi lowa hi nghohe ya mina, nzi rila, nziku: Ha, Hosi Jehova! u ta lovisa vontlhe vaIsraeli lava va seleko hi ku chulula a zanga ya wena hehla ka Jerusalema ke?

Mitsengo 14:5

Zonake Mosi na Aroni va lowa lahasi hi tinghohe tabye mahlweni ka tlhangano wontihe wa vanana va ka Israeli.

Mitsengo 16:22

Kanilezi vona va lowa hi tinghohe tabye, vaku: O Nungungulu, Nungungulu wa mimoya ya nyama yontlhe! U ta zangarela a tlhangano wontihe hi kuonha ka munhu munwe ke? Joba 12:10

Mitsengo 22:23

Laha a mbongola yi nga wona a ngelosi ya Jehova na yi yimile laha ndleleni ni supado yo kariha canjeni ga yona, yi lo hambukela lomu masinwini. Balaami i loba mbongola kasi ku yi wuyisa laha ndleleni.

Mitsengo 22:31

Zonake Jehova i lo vulula a mahlo ya Balaami, lezaku a wona a ngelosi ya Jehova na yi yimile laha ndleleni, na yi khomile a supado yo kariha canjeni ga yona. Zonake i lo khizama a koramisa nghohe yakwe misaveni.

Valamuli 13:20

Hakuva ku te laha a nzilo wa alati wu nga kari wu ngengemela, yonawu ngelosi ya Jehova yi lo tlakukela hehla hi lomu langavini ga nzilo wa alati, Manoa ni sati wakwe na kari va zi wona. Va lowa lahasi hi tinghohe tabye.