1 Kronekele 21:15 - Tshwa Bible

¹⁵ Nungungulu i lo rumela a ngelosi a ku ya lovisa a Jerusalema; laha a ngelosi yi nga kari yi hlasela, Jehova i lo karateka hi kota ya khombo ga kona, aku ngalo ka yona; Ku ringene! Makunu tlhelisa a canja ga wena! A ngelosi ya Jehova yi lo yima laha nzhimbyeni wa Ornani a mujebusi.

1 Kronekele 21:15 교차 참조

Genesisi 19:13

Hakuva hi ta lovisa legi wutshamu, hi kota ya huwa ya hombe yi mahiwako hi kota ya vona mahlweni ka Jehova; Jehova i hi rumile akuva hi lovisa legi wutshamu.

Genesisi 6:6

Zonake Jehova i lo ti laya hilezi a vangileko a munhu misaveni, i lo xaniseka mbilwini yakwe.

2 Samueli 24:16

Makunu laha a ngelosi yi nga tlakusile a canja ga yona hehla ka Jerusalema a kuva yi gi lovisa, Jehova i lo tlhela kubiheni loko, aku ka ngelosi leyi yi lovisako vanhu: Basi, ku enele! Humuta a canja ga wena makunu! A ngelosi ya Jehova yi wa hi laha kusuhani ni nzhimbo wa Arauna a mujebusi. Ekso. 12:23

2 Samueli 24:18

Lego siku Gadi i lota ka Davida, a taku: Kanziha u ya aka a alati ga Jehova le nzhimbyeni wa Arauna a mujebusi.

1 Tihosi 19:4

kanilezi yena i lo famba a pfhuka wa siku gontlhe aya xiwuleni; i lo ya chikela a tshama lahasi ka sinyana, a kombela kufa, aku: Zi ringene! Jehova, teka muhefemulo wa mina, hakuva a nzi va hunzi kululama a vadadani va mina! Jona 4:3

2 Kronekele 3:1

Zonake Solomoni i lo sangula ku aka a yindlu ya Jehova le Jerusalema, laha xitsungeni xa Moria, laha Jehova a nga woneka ka raru wakwe Davida, le nzhimbyeni wa Ornani a mujebusi, a wutshamu gi longisilweko hi Davida.

Tisimu 78:38

Kanilezi yena na hi ni tipswalo, i lo va tsetselela, a nga va lovisangi; I lo ti khoma zangeni yakwe zikhati zo tala, A nga tsikangi a khulo gakwe gontlhe gi vuka. Ekso. 34:6; Joeli 2:13

Tisimu 90:13

Wuya Jehova, u ta hlwela kala rini? Zwela wusiwana a malanza ya wena. Ekso. 32:12

Eksodusi 32:14

Zonake Jehova i lo tsika kubiha loko a nga wa alakanyile ku ku maha ka vanhu vakwe.

Eksodusi 9:28

Kombelani ka Jehova lezaku ku nga dzinzi hambu kuna vula ya maralala hakuva za tshisa nguvu, mina nzi ta mu tlhatlha mu famba, cima mu nga ta valelwa ha nchumu.

Jeremia 26:18

Mika wa le Moraxi i lo profeta masikwini ya Hezekia hosi ya ka Juda, a byela vontlhe vanhu va ka Juda, aku: Jehova wa tiyimpi i ngalo: Zioni gi ta rimiwa kota simu, Ni Jerusalema gi tava nhulu ya maribye, Ni xitsunga xa tempeli xi tava xitsunga xa khwati. Mika 3:12

Jeremia 26:9

Hikuyini wena u profetileko hi vito ga Jehova, uku: Leyi yindlu yi ta kota Xilo, lowu muti wu tava rumbi, ku nga hi na muaki ke? Ni vontlhe vanhu va lo tsombana ka Jeremia lomu ndlwini ya Jehova.

Jeremia 7:12

Fambani makunu a wutshanwini ga mina gi nga hi le Xilo, laho gi nga zumbile kona a vito ga mina kusanguleni, mu ya wona lezi nzi gi mahileko zona hi kota ya kubiha ka vanhu va mina va ka Israeli. Jox. 18:1; 1 Sam. 4:3

Amosi 7:3

Jehova i lo zi tsika. Zi nga ta maheka, ku wula Jehova.

Amosi 7:6

Jehova i lo zi tsika. Ni lezi zi nga ta maheka, ku wula Hosi Jehova.

Jona 3:10

Laha Nungungulu a nga wona hi mitiro yabye, lezaku va hunzulukile ndleleni yabye ya kubiha, i lo hunzuluka a tlhelisa a khombo legi a nga wulile lezaku i ta va fumela gona, a nga ha gi wiseli hehla kabye. Gen. 6:8; Ekso. 32:14

Jona 4:2

I lo kombela ka Jehova, aku: Jehova, a hi zalezi nzi nga zi alakanya na nza hi tikweni ga mina ke? Hi lexi xi nga nzi maha nzi tsutsumela Tarxixi; hakuva nzi lo zi tiva lezaku wena u Nungungulu wa tipswalo, u teleko hi wuxinji, wa nonoka ku zangara, u tele hi kuhawukela, u hunzuluka u tsika tsayiselelo. Ekso. 34:6; 1 Sam. 15:29; Neb. 9:17

Marku 14:41

I lo wuya hi xikhati xa wunharu, a taku kabye: Kasi ma ha etlele, mu humula! Basi!. A xikhati xi tshinele; Nʼwana wa munhu wa nyikelwa mandleni ya vaonhi. Joh. 13:1

1 Va le Korinte 10:10

Kambe mu nga monyi, kota vanwani va vona va nga monya, va lobyiswa hi mudayi.

Valamuli 10:16

Va lo susa xikari kabye vanungungulu va vamatiko, va khozela Jehova. Jehova a tsetselela va ka Israeli hi kota ya ku wona zikarato zabye.

Valamuli 2:18

Loku Jehova a va vuxele valamuli, i wa tshama ni mulamuli munwe ni munwani a va hlanguta valaleni vabye masikwini ya mulamuli loye, hakuva Jehova i wa va zwela wusiwana zirilweni zabye, lezi va nga wa tshekulela hi vaxanisi vabye.

1 Samueli 15:11

Nza ti laya hi lezi nzi nga yimisa Saule a kuva hosi, hakuva i hluwukile, a nga hlayisangi timhaka ta mina. Zonake Samueli i lo zangara, a rila ka Jehova gontlhe wusiku. Gen. 6:6