1 Kronekele 2:17 - Tshwa Bible

¹⁷ Abigaili i lo beleka Amasa loyi a raru wakwe a nga hi Jetera a muIxmaeli.

1 Kronekele 2:17 교차 참조

2 Samueli 17:25

Absalome i wa yimisile Amasa a kuva nduna ya yimpi matshanwini ya Joabe. Amasa i wa hi nʼwana wa wanuna loyi a vito gakwe a nga Itara, a muIsraeli, loyi a nga wa tekile Abigaili wa Nahaxi, a makabye wa Zeruia, a nyine wa Joabe.

2 Samueli 19:13

Mu ta ku ngalo ka Amasa: Kasi wena aku marambu ya mina ni nyama ya mina ke? Nungungulu a nzi tsayise makunu ni ku engetela, loku wena u nga yimisiwi a kuva nduna ya yimpi mahlweni ka mina kala kupinzuka wutshanwini ga Joabe.

1 Tihosi 2:32

Jehova i ta tlhelisela hlokweni yakwe a nkhata wakwe yena nwinyi, hakuva i dele a vavanuna vambiri va lulamileko ku hunza yena, a va daya hi tlhari na dadani wa mina Davida a nga zi tivi-—ku nga Abneri wa Neri, a nduna ya yimpi ya ka Israeli, na Amasa wa Jetera, a nduna ya yimpi ya ka Juda.

1 Tihosi 2:5

Ni kambe wena wa zi tiva lezi Joabe nʼwana Zeruia a nzi maheleko, zi nga lezi a zi mahileko ka tinduna timbiri ta yimpi ya ka Israeli, ku nga Abneri wa Neri, na Amasa wa Jetera, lava a nga va daya, a halata a nkhata wa yimpi hi xikhati xa kurula. I totile a nkhata wa yimpi lomu lifungeni lakwe li nga xiwunwini xakwe, ni lomu zilatweni za mikonzo yakwe.

1 Kronekele 12:18

Zonake ku lota a Moya ka Amasai, a nduna ya tinhenha, aku: Hina hi vanhu va wena, Davida, hi zinwe na wena, wena nʼwana Jese! A kurula, a kurula a kuve na wena, a kurula a kuve ni lava va ku vunako, hakuva Nungungulu wa wena i ku vunile. Zonake Davida i lo va amukela a va veka xikari ka tinduna ta tiyimpi takwe.

1 Kronekele 2:16

A vamakabye vabye ku wa hi Zeruia na Abigaili. A vana va Zeruia: Abixai, na Joabe, na Asaheli; va wa hi vanharu.

1 Kronekele 2:18

Kalebi nʼwana wa Hezroni i lo beleka ni vasati vakwe Azuba na Jeriote. A vana vakwe hi lava: Jexera, na Xobaba, na Ardoni.