1 Kronekele 19:6 - Tshwa Bible

⁶ Laha a vana va ka Amoni va nga wona lezaku va vangile livengo ka Davida, Hanuna ni vana va ka Amoni va lo rumela 1,000 wa titalenta ta siliva kasi ku lomba a tikareta zinwe ni vakhileli va mahaxi ka Aram-Naharaime ni ka vaAram-Maaka ni va le Zoba.

1 Kronekele 19:6 교차 참조

Genesisi 34:30

Jakobe i te ngalo ka Simoni na Levi: Mu nzi gisile mihumbo, mu nzi mahile xinyenyeko ka vanhu va tiko legi, ni ka maKanani, ni ka maPerezi, na ha hi vatsongwani; va ta so tsombana va nzi hlasela, nzi lova ni yindlu ya mina.

2 Samueli 10:6

Kanilezi a vanana va ka Amoni va lo wona lezaku va vangile livengo ka Davida; zonake va lo rumisa a kuva ku rambiwa 20,000 wa maSiria ya le Bete-Rehoba, ni maSiria ya le Zoba; a hosi ya le Maaka leyi yi nga wa hi ni 1,000 wa vavanuna, ni vanana va Toba va wa hi 12,000 wa vavanuna.

2 Samueli 8:3

Davida i lo hlasela Hadadezera nʼwana Rehoba, a hosi ya le Zoba, na a haya ku ya tiyisa mufumo wakwe le Congweni wa Eufrate.

1 Kronekele 18:5

A maSiria ya le Damasku ma lo ta vunetela Hadarezera a hosi ya le Zoba, Davida a daya 22,000 wa maSiria.

1 Kronekele 18:9

Laha Tou a hosi ya le Hamate a nga wa zwile lezaku Davida i hlasele tontlhe a tiyimpi ta Hadarezera a hosi ya le Zoba,

1 Kronekele 19:5

Zonake ku loya a munhu wo kari a ya tivisa Davida lezi zi mahilweko ka vanhu lavo; Davida i lo rumela a vanhu va va khinga, hakuva a vavanuna lavo va wa hi ni tingana ta hombe nguvu. A hosi yi te ngalo kabye: Tshamani kwaseyo Jeriko kala zilevu za nwina zi kula, zonake mu ta wuya.

2 Kronekele 18:3

Ahabi a hosi ya ka Israeli i te ngalo ka Jehoxafate a hosi ya ka Juda: Hi ngaya zinwe le Ramote-Gileade ke? Jehoxafate a hlamula, aku: Nzi kotisa wena, ni vanhu va mina va ta kotisa vanhu va Wena; hi tava zinwe na wena yimpini.

2 Kronekele 18:5

Zonake a hosi ya ka Israeli yi lo tsombanyisa vaprofeti, 400 wa vavanuna, aku kabye: Xana hi hloma a yimpi hi yalwa na Ramote-Gileade, kutani nzi ngayi ke? Vona vaku kakwe: Famba, hakuva Nungungulu i ta va nyikela canjeni ga hosi.

2 Kronekele 18:9

Makunu a hosi ya ka Israeli na Jehoxafate a hosi ya ka Juda va wa tshamile, loyi ni loyi xitshanwini xakwe xa wuhosi, na va ambele tinguwo ta wuhosi, laha hubyeni ya nyangwa ya Samaria, vontlhe vaprofeti na va kari va profeta mahlweni kabye.

2 Kronekele 25:6

Zonake i lo ramba a 100,000 wa tinhenha ta ka Israeli, a va hakhisa a 100 wa titalenta ta siliva.

2 Kronekele 27:5

I lolwa ni hosi ya va ka Amoni a va khozisa. Gwalego lembe a va ka Amoni va lo mu nyika a 100 wa titalenta ta siliva, ni 10,000 wa tipimo ta mavele, ni 10,000 wa tipimo ta sevada. A lembe ga wumbiri ni ga wunharu a va ka Amoni va lo humesa a nzuvo ya lipimo lelo.

Tisimu 14:3

Vontlhe va hambukile, va nyenyezisilwe vona vontlhe; A nga kona a mahako kusaseka, ge hambu ni munwe.

Tisimu 46:9

Yena i maha a tiyimpi ti khawula kala magumelweni ya misava, Wa tshova wura, ni ku tsema tlhari gi pulakanyeka; A hisa tikareta nzilweni.

Eksodusi 5:21

Ngha Jehova a cuwuka ka nwina, a mu lamula, hakuva mu hi mahele a xixowo mahlweni ka Faro, ni mahlweni ka malanza yakwe; mu vekile a supado canjeni gabye kasi va fela ku hi daya.

Luka 10:16

Loyi a mu ingisako, wa nzi ingisa mina; ni loyi a mu alako, wa nzi ala mina; ni loyi a alako mina, wa ala ni loyi a nzi rumileko, Mat. 10:40; Joh. 5:23; 1 Tes. 4:8

1 Va le Tesalonika 4:8

Loyi a alako lezo, a nga ali munhu, kanilezi i ala Nungungulu loyi a mu nyikako Moya wakwe wa ku Basa. Lu. 10:16; 1 Joh. 3:24

1 Samueli 13:4

Zonake a va ka Israeli vontlhe va lozwa lezaku Saule i hlasele a butho ga vaFilistia, ni lezaku vaIsraeli zinyenyeko ka vaFilistia. Zonake vontlhe vanhu va lo tsombana le Gilgali va lanzela Saule.

1 Samueli 14:47

Zinghaho laha Saule a nga wa enghenile kufumeni ka ku fumela Israeli, i lo hlasela vontlhe valala lava va nga wa mu ranzele va mu veka xikari, va nga vona vaMoabi, ni va ka Amoni, ni vaEdomi, ni tihosi ta le Zoba, ni vaFilistia; ni kwihi laha a nga waya, i wo ya hlula.

1 Samueli 27:12

Kanilezi Akixi i wa mu tsumba Davida, aku: Yena i maha a nzhukano leyo ka va ka Israeli vabye hi lezi va mu swirako, kanilezi ka mina i ta simamisa a maha nanza ga mina xontlhe xikhati.