1 Kronekele 18:14 - Tshwa Bible

¹⁴ Davida i lo fumela va ka Israeli vontlhe, a lamula hi nongameto a timhaka tontlhe ta vanhu vakwe.

1 Kronekele 18:14 교차 참조

2 Samueli 8:15

Davida i lo fumela vontlhe va ka Israeli, a lamula ni ku lulamisa timhaka ta vanhu vakwe vontlhe.

1 Kronekele 12:38

Vontlhe lavo va wa hi vavanuna va yimpi, a zilwa-matlhari; va lota le Hebroni hi mbilu yinwe, a ku ta wumbela Davida a kuva hosi ya vontlhe va ka Israeli. Vontlhe va ka Israeli lava va nga wa sele va wa hi va mbilu yinwe a ku wumbela Davida a kuva hosi.

1 Kronekele 18:13

Zonake i lo veka a mabutho le tikweni ga Edomi, a vaEdomi va maha malanza ya Davida. Kontlhe lomu Davida a nga waya kona Jehova i lo mu nyika kuhlula. Mitse. 24:18

1 Kronekele 18:15

Joabe nʼwana Zeruia i wa hi nduna ya yimpi; Jehoxafate nʼwana Ahiluda i wa hi muhlayisi wa mitsalo.

1 Kronekele 29:26

Makunu Davida nʼwana Jese i wa fumele vontlhe va ka Israeli.

Tisimu 72:1

Nungungulu, nyika zilayelo za wena ka hosi. Ni nʼwana wa hosi u mu nyika kululama ka wena.

Tisimu 89:14

A kululama ni nongameto ziseketelo za xitshamu xa wena xa wuhosi, A wuxinji ni zinene zi le nghoheni ya wena.

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Jeremia 22:15

Xana u ta fuma hilezi u ti tsitsiritako ntirweni wa tisedari ke? A raru wa wena i gile ni kunwa, Kanilezi i lo lamula hi nongameto ni fanelo, I lo humelela hi kota ya lezo. 2 Tih. 22:2

Jeremia 33:15

A ka lawo masiku ni ka lexo xikhati nzi ta vuxela Davida a Hluke ga kululama; yena i ta lamula hi nongameto ni kululama lomu tikweni. Isa. 11:1; Zak. 3:8; 6:12