23 Yimbelelani ka Jehova, nwina mi sava yontlhe! Kombisani a kuhanyisa kakwe hi masiku ni masiku.
Hlawutelani a wudumo gakwe xikari ka matiko, Ni zihlamaliso zakwe xikari ka vanhu vontlhe!
Yimbelelani, mu dumisa a vito gakwe! Alakanyani a zihlamaliso zakwe zontlhe!
Khesani Jehova hi tisimu, nwina vobasa vakwe; Mu bonga a vito gakwe ga kubasa.
Mina a nzi fihlangi a kululama ka wena mbilwini yanga; Nzi tlhatlhambutele a kutsumbeka ka wena ni kuhanyisa ka wena. A nzi tumbetangi a wunene ga wena ni zinene za wena le hlengeletanweni wa hombe.
A nomu wa mina wu ta hlawutela hi kululama ka wena, Ni kuhanyisa ka wena gontlhe siku, Hakuva a nzi tivi a magumo ya zona.
Miriamu i lo vumelana navo, aku: Tsakelani Jehova hakuva i dzunzekile nguvu; I hoxile a haxi ni mukhileli wa gona lomu bimbini.
Yimbelelani Jehova hakuva i mahile a zilo zi hlamalisako; A zi tibyiwa misaveni yontlhe.
