1 Kronekele 15:29 - Tshwa Bible

²⁹ Makunu laha a arke ga Jehova gi nga wa enghena mutini wa Davida; Mikali nʼwana Saule i lo hlomela hi laha njhaneleni, a wona hosi Davida na a kari a ti nhenga a kina; i lo mu monya mbilwini yakwe.

1 Kronekele 15:29 교차 참조

2 Samueli 6:16

Makunu laha a arke ga Jehova gi nga enghena lomu mutini wa Davida, Mikali wa Saule i lo cuwuka hi laha njhaneleni, a wona hosi Davida na a kari a ti nhenga a kina mahlweni ka Jehova, zonake i lo mu monya hi lomu mbilwini yakwe.

1 Kronekele 15:28

Zinghaho vontlhe va ka Israeli va lo neha a arke ga xivumelwano xa Jehova, na va kari va kanyuluka hi litsako; na vaba a miparatana, ni mipunzu, ni tingomana, ni zitende, ni timbila.

1 Kronekele 17:1

Makunu laha Davida a nga wa tshamile lomu ndlwini yakwe, i te ngalo ka muprofeti Natani: Languta, mina nzi tshama lomu ndlwini ya tisedare, kanilezi a arke ga xivumelwano xa Jehova gi tshama lomu tendeni.

Tisimu 149:3

A va dumise a vito gakwe hi kukina, Va mu khesa hi tingomana ni zitende. Ekso. 15:20; 2 Sam. 6:14

Tisimu 150:4

Mu dumiseni hi tingomana ni kukina, Mu dumiseni hi wucenje ga tingoti ni makhombela.

Tisimu 30:11

Lezo u hunzule a kurila ka mina kuva kukina, Wena u nzi tlhatlhile a nguwo ya xirilo, u nzi ambexa hi litsako,

Eksodusi 15:20

Zonake Miriamu, muprofeti wa xisati, a makabye wa Aroni, i lo teka a mutandanda canjeni gakwe, a vavasati vontlhe va huma va mu lanzela, na va hi ni mitandanda, va kina.

Mutshawuteli 3:4

a xikhati xa ku rila, ni xikhati xa ku hleka; a xikhati xa hlomulo, ni xikhati xa ku kina;

Jeremia 3:16

Laha nwina na mu enzeleka mu tala tikweni ka lawo masiku, ku wula Jehova, cima ku nga ta ha wuliwa kambe hi arke ga xivumelwano xa Jehova; va nga ta ha gi alakanya hambu kuzwa kuhulukela, kambe va nga ta maha ginwani.

Jeremia 30:19

Ku ta huma kona a kukhesa ni magezu ya litsako; Nzi ta va anzisa, va nga hunguleki; Nzi ta va kulisa, va nga ta ha kanyiswa.

Jeremia 33:11

ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.

Mitsengo 10:33

Va lo andlamuka hi le xitsungeni xa Jehova, va famba a pfhuka wa masiku manharu, ni nghaxa ya xivumelwano xa Jehova yi wa famba mahlweni kabye a pfhuka wa masiku manharu, a ku lava a wutshamu ga kuhumula.

Mitiro 2:13

Kanilezi a vanwani va lo tseketsela, vaku: Va vimbelwe hi vinya go tsombela. A kukanela ka Pedro.

1 Va le Korinte 2:14

Makunu a munhu wa mahanyela a nga amukeli a timhaka ta Moya wa Nungungulu, hakuva mbupumbu ka yena; a nga zi koti ku ti tiva, hakuva ti pimiwa hi ka moya. Mat. 16:23; Rom. 8:5; Juda 19

2 Va le Korinte 5:13

Hakuva loku hi hungukile, hi hungukele Nungungulu; hambu loku hi hi ni kupima ku nene, hi nako hi kota ya nwina. Xip. 11:1

Deuteronome 31:26

Tekani a bhuku legi ga nayo mu gi veka lomu xikari hi tlhelo ga nghaxa ya xivumelwano xa Jehova Nungungulu wa nwina, kasi gi fela ku maha kustumunyu mahlweni ka nwina. 2 Tih. 22:8

Maheberu 9:4

legi gi nga hi ni alati ga nzalama go hisela kona mpepo, ni Nghaxa ya Xivumelwano, leyi yi nameketelweko nzalama matlhelo wontihe. Lomo nzeni ka yona ku wa hi ni mbita ya nzalama leyi yi nga hi ni manna, ni nhonga ya Aroni leyi yi nga hluka, ni timbila ta xivumelwano. Ekso. 16:33; Mitse. 17:10; Deut. 10:2, 5

Joxua 4:7

Zonake mu ta va byela ku ngalo: A mati ya Jordani ma wa lo avanyeka mahlweni ka nghaxa ya xivumelwano xa Jehova; laha yona yi nga tlhatuka Jordani a mati lawa ya Jordani ma lo avanyeka, ni lawa maribye xialakanyiso xikari ka vanana va ka Israeli kala kupinzuka.

Valamuli 20:27

A va ka Israeli va lo wutisa ka Jehova, (hakuva a arke ga xivumelwano xa Nungungulu gi wa hi kona seyo ka lawo masiku,

1 Samueli 25:44

Kanilezi Saule i wa sina a nyikele Mikali a nʼwana wakwe loyi a nga wa hi sati wa Davida, ka Palti nʼwana Laixa wa le Gallima.

1 Samueli 4:3

Laha vanhu va nga wa tlhelele wugovelweni, a masingalakati ya ka Israeli ma te ngalo: Hi kuyini Jehova a hi tsikileko nyamutlha hi hluliwa hi vaFilistia? A hi yeni le Xilo hi ya teka a arke ga xivumelwano xa Jehova hi ta gi veka xikari ka hina, kasi ga hi hlanguta mandleni ya valala va hina.