1 Kronekele 15:25 - Tshwa Bible

²⁵ Zinghaho Davida zinwe ni masingalakati ya ka Israeli, ni tinduna ta 1,000, va lo suka va ya teka a arke ga xivumelwano xa Jehova le ndlwini ya Obed-Edomi hi kutlanga.

1 Kronekele 15:25 교차 참조

1 Tihosi 8:1

Zonake Solomoni i lo tsombanyisa a masingalakati ya va ka Israeli, ni tihosana tontlhe ta tixaka ni tihloko ta tiyindlu ta vanana va ka Israeli, a kuva vata ka hosi Solomoni le Jerusalema a kuta heleketa a arke ga xivumelwano xa Jehova, gi huma le mutini wa Davida, lowu wu nga Zioni. 2 Sam. 5:9

2 Kronekele 1:4

Kanilezi Davida i wa tekile a arke ga Nungungulu le Kiriat-Jearimu, a gi neha wutshanwini legi a nga wa gi longisele, hakuva i wa gwimbile a tenda ga kona le Jerusalema.

2 Kronekele 5:2

Zonake Solomoni i lo tsombanyisa a masingalakati ya ka Israeli, ni tihosana tontlhe ta tiyindlu ta va ka Israeli le Jerusalema, a kuva va ya teka a arke ga xivumelwano xa Jehova le mutini wa Davida le Zioni, va gi neha.

Ezra 6:16

A va ka Israeli ni vapristi ni vaLevi, ni vanwani lava va nga wuyile hi le wukhumbini, va lo nyikelisisa a yindlu leyo ya Nungungulu hi kutsaka.

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Mitsengo 31:14

Zonake Mosi i lo zangarela a tinduna ta yimpi, ni tinduna ta makume mazana, ni tinduna ta mazana, leti ti wuyako hi le yimpini.

Deuteronome 1:15

Hikwalaho mina nzi tekile a madota lomu ka tinyangwa ta nwina, a vavanuna va kupima, va tibyiwako, nzi va yimisa hehla ka nwina a kuva tinduna ta 1,000, ni tinduna ta 100, ni tinduna ta 50, ni tinduna ta 10, kasi va maha vahlayisi lomu ka tinyangwa ta nwina.

Deuteronome 12:18

Kanilezi lezi zilo u taga mahlweni ka Jehova Nungungulu wa wena, ka wutshamu legi Jehova Nungungulu wa wena a ta nga gi hlawula, u taga laho zinwe ni varisanyana va wena, ni vanhanyana va wena, ni malanza ya wena ya xinuna ni ya xisati, ni vaLevi lava va nga laha mutini wa wena; u ti tsakela mahlweni ka Jehova Nungungulu wa wena, mitirweni yontlhe ya mandla ya wena.

Deuteronome 12:7

Nwina mu taga mahlweni ka Jehova Nungungulu wa nwina, mu ti tsakela zinwe ni mingango ya nwina hi zilo zontlhe lezi mu ta nga zi maha, lezi Jehova Nungungulu wa nwina a mu katekisileko ha zona.

Deuteronome 16:11

U ti tsakela mahlweni ka Jehova Nungungulu wa wena zinwe ni mufana wa wena, ni nhanyana wa wena, ni nanza ga wena ga xinuna ni ga xisati, ni muLevi loyi a nga xikari ka muti wa wena, ni muluveli, ni xisiwana, ni noni, lava va nga xikari ka nwina ka wutshamu lego Jehova Nungungulu wa wena a ta nga gi hlawula ku veka vito gakwe laho;

Deuteronome 16:15

Lomu ka 7 wa masiku, u ta maha mubuzo wa Jehova Nungungulu wa wena ka wutshamu lego Jehova a ta nga gi hlawula, hakuva Jehova Nungungulu wa wena i ta ku katekisa kontlhe kuhuleni ka wena, ni ka yontlhe mitiro ya mandla ya wena, hikwalaho u tava ni kutsaka hakunene.

Va le Filipi 3:3

Hakuva hina hi zitshiva, hina lava hi khozelako hi Moya wa Nungungulu, hi ti kulisako ha Kristu Jesu, na hi nga hi na kutsumba nyameni. Deut. 10:16; 30:6; Jer. 4:4; Joh. 4:23; Rom. 2:29; 4:11; Kol. 2:11

Va le Filipi 4:4

Tsakani Hosini xikhati xontlhe; nzi engeta kambe nziku, Tsakani!

1 Samueli 10:19

Kanilezi inyamutlha mu alile Nungungulu wa nwina, loyi a nga mu ponisa timhangweni ta nwina tontlhe, ni le kuxanisekeni ka nwina, muku kakwe: Hi yimisele hosi leyi yi ta nga hi fumela! Makunu humelelani mahlweni ka Jehova hi tixaka ta nwina ni matala ya nwina.

1 Samueli 22:7

Saule i te ngalo ka malanza yakwe lawa ma mu ranzelako: Zwanani nwina va ka Benjamini! Ina nʼwana Jese i ta mu nyika nwina nwentlhe a masimu ni zivina ke? Ina, i ta mu yimisa nwentlhe mu maha tinduna ta hombe ni ta ti tsongwani ke?

1 Samueli 8:12

A vavanuna va ta yimiswa a kuva tinduna ta hombe, ni titsongwani, a vanwani va ta mu rimela masimu yakwe, ni ku hula mavele yakwe, ni ku fula matlhari ya yimpi, ni mitiro ya tikareta takwe.