1 Kronekele 15:15 - Tshwa Bible

¹⁵ A vana va ka Levi va lo rwala hi makatla yabye a arke ga Nungungulu hi mipingo leyi yi nga wa hi hehla ka gona, khwatsi hi lezi Jehova a nga leletelisa zona hi nomu wa Mosi.

1 Kronekele 15:15 교차 참조

2 Samueli 6:12

Makunu va lo byela hosi Davida, vaku: Jehova i katekisile a yindlu ya Obedi-Edome ni zontlhe zilo zakwe hi kota ya arke ga Nungungulu. Zonake Davida i lo ya teka a arke ga Nungungulu lomu ndlwini ya Obedi-Edomi a gi heleketa mutini wa Davida hi litsako.

2 Samueli 6:13

Loku lava va rweleko a arke ga Jehova va fambile ntlhanu ni ginwe makanzihelo i wo phahlela hi nkuzi ni role gi nonileko. 1 Tih. 8:5

1 Tihosi 8:8

Ni mipingu ya kona va wa lehisile laha kaku le magumo ka kona ku woneka le wutshanwini ga kubasa, kanilezi yi wa nga woneki lahandle; na yona ya hi kona inyamutlha,

1 Kronekele 13:10

Zonake a zanga ya Jehova yi lo vura yi vukela Uzza, a mu daya hi kota ya lezi a nga nawuluta a canja gakwe hehla ka arke; hikwalaho yena i lofa mahlweni ka Nungungulu. Mitse. 4:15, 19

2 Kronekele 5:9

A mipingo yi wa lehile laha ka kuva yi woneka a tichoka ta yona le mahlweni ka arke ni le mahlweni ka wutshamu ga kubasabasa; kanilezi le handle yi wa nga woneki. A arke gi tshamile laho kala lezi.

Eksodusi 40:20

Zonake i lo enghenisa a Wumboni lomu ka nghaxa, a enghenisa a, mipingo laha ka nghaxa; zonake i lo veka a xitshamu xa wuxinji le hehla ka yona.

Mitsengo 4:15

Loku Aroni ni vana vakwe va mbhetile ku fenengeta a wutshamu ga kubasa ni zontlhe zibya za kona, a wugovelo gi ta andlamuka; zonake a vanana va ka Kohati va ta ta rwala. Kanilezi va nga ta zi khumba, hakuva zilo zi basileko, va ngafa. Lowu wu tava ntiro wa vanana va ka Kohati, a ku rwala a zibya za tenda ga mutlhangano.

Mitsengo 7:9

Kasike a vanana va ka Kohati, a va nyikwangi nchumu, hakuva a ntiro wabye wu wa hi ku rwala a zibya zo basa makatleni yabye.

Deuteronome 10:8

Ka lexo xikhati Jehova i lo hlawula a nyangwa ya vaLevi kasi va fela ku rwala a nghaxa ya xivumelwano xa Jehova, ni ku yima mahlweni ka Jehova, ni ku mu khozela, ni ku katekisa vanhu hi vito gakwe, kala ka siku ga nyamutlha.