1 Kronekele 15:14 - Tshwa Bible

¹⁴ Zonake a vapristi va ka Levi va lo ya ti basisa, kasi va fela ku ya rwala a arke ga Jehova Nungungulu wa ka Israeli.

1 Kronekele 15:14 교차 참조

1 Kronekele 15:12

aku kabye: Hi nwina madota ya tiyindlu ta ka Levi. Ti basiseni zinwe ni vanakuloni, kasi ma fela ku ya rwala a arke ga Jehova Nungungulu wa ka Israeli, mu ta gi veka lomu wutshanwini legi nzi gi longiseleleko gona.

1 Kronekele 15:15

A vana va ka Levi va lo rwala hi makatla yabye a arke ga Nungungulu hi mipingo leyi yi nga wa hi hehla ka gona, khwatsi hi lezi Jehova a nga leletelisa zona hi nomu wa Mosi.

2 Kronekele 29:15

Va lo tsombanyisa vanakulobye, va ti basisa, zonake vata khwatsi hi kuleletela ka hosi, kota kuwula ka Jehova, va ta basisa a yindlu yakwe.

2 Kronekele 29:34

Kanilezi a vapristi va wa hi vatsongwani; va lo tsanzeka ku sunzuwula zontlhe lezi zi nga wa hi za miphahlo ya kuhiswa. Hikwalaho va lo vuniwa hi vanakulobye, a va ka Levi, kala va mbheta a ntiro, va wuya a vapristi va ti basisa, hakuva a vaLevi va wa lulamile timbilu ku hunza vapristi kutibasiseni kabye.

2 Kronekele 5:11

Ni laha vapristi va nga wa humile hi lomu wutshanwini ga kubasabasa (hakuva vontlhe vapristi lavo va nga wa hi kona va wa ti basisile, va wa nga lanzelangi a nayo wa mitlawa;

Nehemia 12:30

A vapristi ni vaLevi va lo ti basisa; va basisa ni vanhu, ni tinyangwa, ni ligingisi.

Levi 10:3

Zonake Mosi aku ka Aroni: Lezi hi lezi Jehova a leleteleko, aku ngalo: Nzi ta basiswa hi lava va tshinelako ka mina, nzi dumiswa mahlweni ka vanhu vontlhe. Kanilezi Aroni i la su tiwitiwi bhi!