1 Kronekele 12:40 - Tshwa Bible

⁴⁰ Hambu lava va nga wa akile lomu kusuhani, kala ku chikela ka va ka Isakari, na Zebuloni, na Naftali, vonawu va wa neha timbuva hi timbongola, ni makameli, ni mamula, ni tihomu, va neha timbuva ta mapa, ni zikhekhetselo za makuwu ma womileko, ni mihanzu ya mauva ma womileko, ni vinya, ni mafura, ni tihomu, ni tiyivu to tala nguvu, hakuva a va ka Israeli va wa tsakile.

1 Kronekele 12:40 교차 참조

2 Samueli 16:1

Laha Davida a nga wa hunzile kutsongwani hehla ka xitsunga, ku lota Ziba, a nanza ga Mefiboxete, mahlweni kakwe na hi ni timbongola timbiri na ti rwele 200 wa zibaba, ni 100 wa zitata za tisote ta mauva, ni 100 wa zikhekhetselo za mihanzu, ni karafawu ya vinya.

1 Tihosi 1:40

A vanhu vontlhe va lo mu lanzisela na vaba tinanga, na va yimbelela va tsaka nguvu, ni misava yi cwangula hi guwa ga vona.

2 Tihosi 11:20

Zinghaho vontlhe vanhu va lo tsaka, ni muti wu lo rula. Atalia va lo mu daya hi supado lomu ndlwini ya hosi.

1 Kronekele 12:39

Zonake va lo ya tshama leyo masiku manhru zinwe na Davida, vaga, vanwa, hakuva a vanakulobye va wa va longisele zontlhe.

1 Kronekele 13:1

Davida i lo xuxa xikungo ni tinduna ta matala, ni ta mazana ni vontlhe varangeli,

1 Kronekele 29:22

Va loga, vanwa, mahlweni ka Jehova lego siku na va tsakile nguvu; zonake Solomoni nʼwana Davida i lo wumbelwa a kuva hosi ga wumbiri; va mu tota hi mafura mahlweni ka Jehova a kuva hosi, na Zadoke a kuva mupristi.

Mavingu 11:10

Loku a vakululama va humelela a muti wa nengela; oku a va kubiha va lova ku kona kuhlalela.

Mavingu 29:2

Loku a va kululama va anza, a tiko ga tsaka; anilezi loku a wa kubiha a fuma a tiko ga rila.

Hosea 3:1

Zonake Jehova aku ka mina: Engeta u famba u ya ranzana ni wasati a nga ni xigangu, loyi a nga xibhayi; a ku khwatsi hilezi Jehova a ranzisako zona a vanana va ka Israeli, hambu loku vona va hunzulukela vanwani vanungungulu, va ranza zikhekhetselo za tisote.

1 Samueli 25:18

Zonake Abigaili i lo hatlisa a teka mazana mambiri ya zibaba, ni tinghotso timbiri ta vinya, ni ntlhanu wa tiyivu ti bhikilweko, ni ntlhanu wa zirunzu za mavele ma wocilweko, ni zana ga zitata za tisote ta mauva ma womileko, ni mazana mambiri ya zikhekhetselo za makuwu, a zi tlhateka mbongoleni.