1 Kronekele 12:17 - Tshwa Bible

¹⁷ Davida i lo huma a va khinga, a wulawula kabye, aku: Loku nwina muta ka mina hi kurula kasi ku ta nzi vunetela, nzi ta tlhangana na nwina hi mbilu ya mina; kanilezi loku ku hi ku ta nzi xengetela, mu nzi nyikela ka valala va mina na nzi onhangi nchumu, Nungungulu wa vararu va hina a zi wone, a lamula!

1 Kronekele 12:17 교차 참조

Genesisi 31:42

Loku ku wa nga hi lezi a nga na mina Nungungulu wa dadani, ni Nungungulu wa Abrahama, loyi Isaka a mu chavako, ngha u lo nzi fambisa na nzi nga hi na nchumu. Nungungulu i wonile a kuxaniseka ka mina, ni mitiro ya mandla ya mina, a kala a ku kawuka atolo ni wusiku.

Genesisi 31:53

Nungungulu wa Abrahama, Nungungulu wa Nahori, ni Nungungulu wa vararu vabye, a lamule xikari ka mina na wena. Jakobe i lo hlambanya hi loyi a chabyiwako hi Isaka.

1 Tihosi 2:13

Zonake Adonija nʼwana Haggite i loya ka Batexeba, a mamani wa Solomoni. Batexeba i lo mu wutisa, aku: Uta hi kurula ke? Yena aku: Ina, nzita hi kurula.

2 Tihosi 10:15

A xikhati a nga suka hi laho, i lo tlhangana na Jehonadaba nʼwana Rekaba loyi a nga wata ku mu khinga. I lo mu losa aku kakwe: A mbilu ya wena ya xalala ha mina khwatsi hi mbilu ya mina yi xalalako ha wena ke? Jehonadaba i lo hlamula, aku: Ina, ya xalala! Jehu aku: Loku yi xalala, a hi khomane mandla! Va lo khomana mandla, zonake Jehu i lo mu kanzihisa kareteni yakwe. Jer. 35:6

2 Tihosi 9:22

Laha Joramu a nga wona Jehu, i te ngalo kakwe: Jehu, u fambisa kurula ke? Yena a hlamula, aku: Ku ngava kona kurula, loku ka ha simamisa ku hi ni manyala ya wubhayi ga nyine wa wena Jezebeli, ni wuloyi gakwe giva ginyingi kota lezi ke?

1 Kronekele 12:16

Ku wa hi kona a vana va ka Benjamini ni va ka Juda, lava va ngaya ka Davida le khokholeni.

1 Kronekele 12:18

Zonake ku lota a Moya ka Amasai, a nduna ya tinhenha, aku: Hina hi vanhu va wena, Davida, hi zinwe na wena, wena nʼwana Jese! A kurula, a kurula a kuve na wena, a kurula a kuve ni lava va ku vunako, hakuva Nungungulu wa wena i ku vunile. Zonake Davida i lo va amukela a va veka xikari ka tinduna ta tiyimpi takwe.

Tisimu 7:6

Vuka zangeni ya wena, Jehova; Suka u vukela a kuleva ka valala va mina, Suka u nzi yimela kulamuleni loku u ku yimisileko.

Tisimu 86:11

Jehova, nzi gonzise a ndlela ya wena, Nzi ta famba zineneni za wena; Maha mbilu ya mina yi chava vito ga wena.

Jeremia 32:39

Nzi ta vaha mbilu yinwe nzi va gonzisa ndlela yinwe, ya ku nzi chava kala kupinzuka; va ta kateka, vona ni vana vabye anzhako kabye,

Zakaria 3:2

Jehova aku ka Satani: Ngha Jehova a ku kawuka, wena Sata! Ina, Jehova loyi a hlawulileko Jerusalema ngha a ku kawuka! A muti lowu a hi lihunyi li susilweko nzilweni ke?

Mitiro 4:32

Hi linyingi la vona lava va kholilweko va wa hi va mbilu yinwe ni muhefemulo munwe; ku wa nga hi kona ni munwe a ngaku ngalo, a zilo a nga nazo za yena yece; kanilezi va lo hlengela zilo zontlhelele. Rom. 15:5; Fil. 1:27; 1 Ped. 3:8; Xip. 2:24

1 Va le Korinte 1:10

Makunu nza mu khongotela, vamakabye, hi vito ga Hosi ya hina Jesu Kristu, lezaku mu wulawula xilo xinwe, kasi ku ngavi kona kuhambana xikari ka nwina, kanilezi mu zwanana hi kualakanya ni kupima.

2 Va le Korinte 13:11

Hi kugumesa vamakabye, tsakani mu mbheleliswa, ni ku tangalisana. Ngha mu hi ni kupima kunwe, mu tshama hi kurula; Nungungulu wa liranzo ni wa kurula i tava na nwina. Rom. 12:16; 1 Kor. 1:10; 1 Ped. 3:8

Va le Filipi 1:27

Ntsena ngha na mahanyela ya nwina ma fanela a ivangeli ya Kristu; lezaku hambu nzita nzi ta mu wona, hambu nzi ngati, nzi fela kuzwa timhaka ta nwina lezaku mu yimile muku nde moyeni munwe, na mu lwela a kukholwa ka ivangeli hi mbilu yinwe,

1 Pedro 2:23

laha a nga rukatelwa a nga rukatelangiwo; laha a nga xaniseka a nga dzuxangi, kanilezi i lo yisa mhaka yakwe ka loyi a lamulako hi nongameto. Mat. 27:39; Lu. 23:46; Joh. 8:48

Juda 1:9

Kanilezi Mikaeli, a ngelosi ya hombe, laha a nga kanetana na Satani hi xirumbi xa Mosi, i lo chava ku mu lamula hi nzhukano, kanilezi i te ngalo: A Hosi a yi ku kawuke. Dan. 12:1; Zak. 3:2; 2 Ped. 2:11

1 Samueli 16:4

Samueli i lo maha khwatsi hi lezi Jehova a wulileko kakwe. I loya Betlehema. A masingalakati ya muti ma lo mu khinga na ma rurumela na vaku: Ina lezi uta hi kurula?

1 Samueli 18:1

Makunu laha Davida a nga gumesile ku wulawula na Saule, a mbilu ya Jonatani yi lo bohana ni mbilu ya Davida, a mu ranza nguvu khwatsi hi lezi a ranzisako zona wutsumbu gakwe.

1 Samueli 18:3

Zonake Jonatani i lo maha xivumelwano na Davida, hakuva i wa mu ranza kota wutsumbu gakwe.