Hakuva Jehova wa tiyimpi, a Nungungulu wa Israeli i ngalo: Mu nga khohliswi hi vaprofeti va nwina lava va nga xikari ka nwina, ni vavumbi va nwina, mu nga dzuki mu ingisa a miloro leyi mu yi lorako.
A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1
Loku a munhu a famba hi moya wa kukhohlisa, a hemba wunwa aku: Nzi ta ku profetela hi vinya ni byala, a muprofeti loye i sasekele lava vanhu. Isa. 30:10; Mik. 3:5
Ni hosi ya yona yi lo dzunza a nekwa yo biha, hilezi yi mahile hi wutlhari. Hakuva a vana va misava leyi va tlharihile ka xizukulwana xabye a ku hunza a vana va kuwonekela. Joh. 12:36; Efe. 5:8; 1 Tes. 5:5
Loyi a tako hi le hehla i hehla ka vontlhe; loyi a nga wa misava ngwa misava, i wulawula hi za misava; loyi a tako hi le hehla i hehla ka vontlhe. Xip. 8:23; Rom. 9:5; Fil. 2:9
Aku ngalo kabye: Nwina mu huma hi lahasi, mina nzi huma hi le hehla; nwina mu va misava, mina a nzi wa misava leyi. Xip. 3:31; 15:19; 17:16; 1 Joh. 4:5
Hakuva xa hata xikhati laha va ta nga ala a gonzo yi hanyisako; kanilezi kota lezi va nga ni tindleve ti nyakanyelelako a kuzwa, va ta ti lavela vagonzisi vo tsakisa kumbilukela kabye; 1 Tim. 1:10
Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1
