1 Johani 4:4 - Tshwa Bible

⁴ Vana vanga, nwina mu va Nungungulu, mu hlulile a vaprofeti va mawunwa; hakuva loyi a nga ka nwina ngwa hombe a ku hunza loyi a nga laha tikweni. Joh. 14:30

1 Johani 4:4 교차 참조

Johani 12:31

Makunu a tiko ga lamuliwa; a hosana ya legi tiko yi ta hlongolwa makunu. Lu. 10:18; Miti. 26:18; 2 Kor. 4:4

Johani 14:30

Nzi nga ta ha wulawula nguvu na nwina, hakuva a hosana ya tiko yata; kanilezi a yi na nchumu ka mina, Xip. 12:31

Johani 16:11

hi kulamula, hakuva a hosana ya legi tiko yi lamulwe. Xip. 12:31; Miti. 26:18

Johani 17:23

mina ka vona, na wena ka mina, kasi vava munwe hi kumbheleleko; kasi a tiko gi fela ku zi tiva lezaku u nzi rumile, niku, u va ranzile kota lezi u nzi ranzileko. Kol. 3:14

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

Va le Roma 8:37

Kanilezi ka zontlhe lezi zilo ha hlula ni ku hlula ha yena loyi a nga hi ranza. 1 Joh. 5:4

1 Va le Korinte 2:12

Kanilezi a hi amukelangi a moya wa misava, kanilezi a Moya lowu wu humako ka Nungungulu; lezaku hi fela ku tiva a zilo lezi hi nyikilweko zona hi Nungungulu. Rom. 8:15

1 Va le Korinte 6:13

A zakuga za rumbu, ni rumbu ga zakuga; kanilezi Nungungulu i ta mbhetisa zontlhe. Kanilezi a miri a hi wa wubhayi, kanilezi ngwa Hosi, ni Hosi nja miri. Efe. 5:23; 1 Tes. 4:3

2 Va le Korinte 4:4

hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3

2 Va le Korinte 6:16

Ku kwihi a kuvumelana ka tempeli ya Nungungulu ni zifananiso za vanungungulu va mawunwa ke? Hina hi tempeli ya Nungungulu a hanyako, kota lezi Nungungulu a ngaku ngalo: Nzi ta tshama ka vona, nzi fambafamba xikari ka vona; nzi ta maha Nungungulu wabye, vona va ta maha vanhu va mina. Levi 26:12; Jer. 31:33; Ezek. 36:28

Va le Efesusi 2:2

lezi mu nga famba ha zona kale, kukotisa a mahanyela ya misava leyi, mu lanzela a hosana ya mintamu ya lomu ndengelengeni, wu nga moya lowu wu tirako makunu ka lava va nga ingisiko. Kol. 3:6; 1 Joh. 5:19

Va le Efesusi 3:17

lezaku Kristu a tshama timbilwini ta nwina hi kukholwa; lezaku na mu zimekilwe ni ku seketelwa liranzweni, Joh. 14:23

Va le Efesusi 6:10

Hi kugumesa, tiyani Hosini, ni ntanwini wakwe wa hombe.

1 Johani 2:1

Vana vanga, nza mu tsalela timhaka leti lezaku kasi mu fela ku kala mu nga onhi. Kanilezi loku munhu a onha, hi na ni Muyimeli ka Dadani, a nga Jesu Kristu a lulamileko. 1 Tim. 2:5; Maheb. 9:24

1 Johani 2:13

Nza tsala ka nwina, vadadani, hakuva ma mu tiva loyi a nga hi kona hi le kusanguleni. Nza tsala ka nwina, majaha, hakuva mu hlulile loyi wa kubiha. Vanana, nzi mu tsalele, hakuva ma mu tiva Dadani.

1 Johani 3:20

Hakuva loku a timbilu ta hina ti hi kona, Nungungulu wa hombe ku hunza timbilu ta hina, wa zi tiva zontlhe. 1 Kor. 4:4

1 Johani 3:24

Loyi a hlayisako a zileletelo zakwe i tshama ka yena, na yena i tshama kakwe. Ha zi tiva lezaku i tshamile ka hina hi Moya lowu a hi nyikileko wona. Joh. 14:23; 17:21; Rom. 8:9

1 Johani 4:13

Lezi hi tivako ha zona lezaku hi tshama ka yena na yena i tshama ka hina, hi loku a hi nyikile a Moya wakwe. Joh. 14:20

1 Johani 4:16

Hina ha li tiva, hi kholilwe ka liranzo leli Nungungulu a hi ranzileko ha lona. Nungungulu liranzo, ni loyi a tshamako liranzweni i tshama ka Nungungulu, ni Nungungulu i tshama ka yena.

1 Johani 4:6

Hina hi vana va Nungungulu. Loyi a tivako Nungungulu wa hi ingisa; loyi a nga hiko wa Nungungulu a nga hi ingisi. Hi kota ya lezo ha wu tiva a moya wa zinene ni moya wa mawunwa. Isa. 8:20; Joh. 8:47; 14:17

1 Johani 5:19

Hina ha zi tiva lezaku hi va ka Nungungulu, ni lezaku a tiko gontlhe gi le ntanwini wa loyi wa kubiha.

1 Johani 5:4

Hakuva kani hi xihi lexi xi belekilweko hi Nungungulu xa hlula tiko; a kuhlula loku ku hlulileko tiko hi kukholwa ka hina. Joh. 16:33

Kuvululelwa 12:11

Va mu hlulile hi nkhata wa Yivana, ni mhaka ya wukustumunyu gabye; a va chavangi kufa hi kota ya ku ranza kuhanya kabye. Lu. 14:26; Rom. 8:37