1 Johani 4:1 - Tshwa Bible

¹ Varanzekako, mu nga kholwi mimoya yontlhe, kanilezi hlotani a mimoya mu tiva loku yi huma ka Nungungulu; hakuva a vaprofeti vanyingi va mawunwa va la suga fenemete laha tikweni. Jer. 29:8; Mat. 24:24; Kuv. 2:2

1 Johani 4:1 교차 참조

1 Tihosi 13:18

Na yena i te ngalo kakwe: Minawu nzi muprofeti kota wena. A ngelosi ya Jehova yi lo wula ka mina yiku: Mu tlhelise a wuya lomu ndlwini ya wena a taga zakuga anwa mati. Kanilezi i wo hemba mawunwa.

Mavingu 14:15

A xipumbu xi vumelela timhaka tontlhe; anilezi loyi a tlharihileko wa cuwukisisa laha a fambako ha kona.

Jeremia 14:14

Jehova i lo nzi hlamula, aku: A vaprofeti va profeta mawunwa vitweni ga mina. A nzi va rumangi, a nzi va layangi; a nzi wulawulangi nchumu kabye. Va profeta ka nwina a miwoniso ya mawunwa ni kuvumba, a zilo za mahala za kukhohlakala ka timbilu tabye.

Jeremia 23:16

Jehova wa tiyimpi i ngalo: Mu nga ingisi a timhaka ta vaprofeti lava va profetako ka nwina, hakuva va mu kanganyisa; va kanela a miwoniso ya timbilu tabye wutsumbu, na zi nga humi nonwini wa Jehova. Ezek. 13:2; Mat. 7:15

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Marku 13:21

Zonake loku munhu aku ka nwina: Mangabye, hi loyi Kristu; kutani: Mangabye, hi gaya; mu nga mu kholwi. Mat. 24:23; Lu. 17:23

Luka 12:57

Hikuyini mu nga lamuliko ha nwece lezi zi lulamileko ke?

Luka 21:8

Yena aku ngalo: Tlharihani lezaku mu nga pengiswi; hakuva vanyingi Va tata hi vito ga mina, va taku: Nzi mina yena; niku: A xikhati xi tshinele; kanilezi mu nga va lanzeli. Mat. 24:4; Efe. 5:8; 2 Tes. 2:3

Mitiro 17:11

A vaJuda va kona va wa hi va nene ku hunza va le Tesalonika, laha ka kuva va amukela a mhaka hi timbilu ti longileko, va hlola Mitsalo a masiku wontihe, lezaku a timhaka leti ti nghaho ke. Isa. 34:16; Lu. 16:29; Joh. 5:39

Mitiro 20:29

Nza zi tiva lezaku anzhako ka kuva nzi sukile, a timhisi ti pamako ti ta enghena xikari ka nwina, leti ti nga wu tsikiko ntlhambi. Mat. 7:15; 2 Ped. 2:1

1 Va le Korinte 12:10

Ka munwani ku nyikiwa ku tira zihlamaliso; ni ka munwani a ku profeta; ni ka munwani a ku pima mimoya; ni ka munwani a ku wulawula a tirimi ti tsalangeneko, ni ka munwani a ku tlhamusela tirimi. Miti. 2:4; Rom. 12:6; Gal. 3:5; 1 Joh. 4:1

1 Va le Korinte 14:29

A vaprofeti ngha va wulawula na va hi vambiri kutani vanharu, ni vanwani va lamula lezi zi wulawuliwako.

1 Va le Tesalonika 5:20

Mu nga kanyisi a kuprofeta, 1 Kor. 14:1

1 Va le Tesalonika 5:21

kanilezi hlotani zontlhe, mu khomisisa lezi za zinene. 1 Joh. 4:1

2 Va le Tesalonika 2:2

lezaku mu nga hatlisi ku tsekatsekiswa kupimeni ka nwina, hambu ku karateka, kutani hi moya, kutani hi mhaka, kutani hi papilo go khwatsi gita hi ka hina, aku khwatsi a siku ga Hosi gi tshinele.

1 Timote 4:1

Kanilezi a Moya wa wula wu tiyisa lezaku a vanwani va ta tsika kukholwa a zikhatini za ha tako, va ingisa a mimoya leyi yi kanganyisako ni gonzo ya madimoni, Dan. 11:35; Joh. 16:13; 1 Ped. 1:20; 2 Ped. 2:1; Kuv. 9:20

2 Timote 3:13

Kanilezi a vanhu vo biha ni vakanganyisi va ta nonohisa vaya mahlweni kubiheni, va kanganyisa vanwani, va tlhela va kanganyiswa.

2 Pedro 2:1

Kanilezi ku wa humelela ni vaprofeti va mawunwa xikari ka vanhu, kota lezi ku ta nga huma xikari ka nwina a vagonzisi va mawunwa, lava va ta nga enghenisa hi tlhelo a gonzo yi lovisako, va kaneta hambu ni Hosi leyi yi nga va xava, va ti nehela a kulobyiswa loku ku hatlisako. Deut. 13:1; Mat. 24:11; Fil. 3:19

1 Johani 2:18

Vana vanga, makunu xikhati xo gumesa; kota lezi mu nga zizwa lezaku wata Mukaneti wa Kristu, hambu ni lezi va kona vanyingi vakaneti va Kristu; hi kota ya lezo ha zi tiva lezaku xikhati xo gumesa. Mat. 24:5; 2 Tes. 2:3; Maheb. 1:2

1 Johani 2:7

Varanzekako, a nzi mu tsaleli a nayo muswa, kanilezi i nayo wa kale lowu mu nga hi nawo hi kusanguleni; a nayo lowu wa kale hi mhaka leyi mu yi zwileko. 2 Joh. 5

2 Johani 1:7

Hakuva vakhohlisi vanyingi va humele vaya tikweni, lava va nga vumeliko lezaku Jesu Kristu i tile nyameni. Hi yena mukanganyisi tlhelo Mukaneti wa Kristu; 1 Joh. 4:1-3

3 Johani 1:11

Xiranzwa, u nga pimanyisi lezi za kubiha, kanilezi pimanyisa lezi zo saseka. Loyi a mahako kusaseka ngwa Nungungulu; kanilezi loyi a mahako kubiha a nga mu wonangi Nungungulu. Tis. 37:27; Isa. 1:16, 17; 1 Joh. 2:29

Kuvululelwa 2:2

Nza yi tiva mitiro ya wena, ni kupinyama ka wena ni kutimisela ka wena, ni lezaku a ku na kuhonisela hi vanhu va kubiha; u va hlolile lava va ti wulako vaku vapostoli, na va nga hi vona, u kumile lezaku vo hemba. Tis. 1:6; 2 Kor. 11:18; 1 Joh. 4:1