1 Johani 3:4 - Tshwa Bible

⁴ Ni wihi loyi a onhako i hambunyeta nayo; hakuva a kuonha hi ku hambunyeta nayo.

1 Johani 3:4 교차 참조

1 Tihosi 8:47

loku va ya ti sola na va hi kwaleyo tikweni lego va ta nga ya maha tikhumbi ka gona, va hunzuluka va khongela na va hi kwaleyo tikweni ga lavo va va khomileko, vaku: Hi onhile, hi mahile zo biha, hi gohile!

1 Kronekele 10:13

Zinghaho Saule i lofa hi kota ya zionho zakwe lezi a nga onhela ha zona Jehova, hi kota ya gezu ga Jehova legi a nga kala ku gi hlayisa a vitana a mufi ku ta mu byela timhaka. 1 Sam. 15:10

2 Kronekele 24:20

A Moya wa Nungungulu wu lota ka Zakaria nʼwana mupristi Jehoiada; i lo yima mahlweni ka vanhu, aku kabye: Nungungulu i ngalo: Hi kuyini mu hambunyetako milayo ya Jehova? Cima mu nga ta vuvuma, hakuva kota lezi mu tsikileko Jehova, yenawu i mu tsikile. Vala. 6:34; Lu. 24:49

Isaya 53:8

I susilwe hi kuxanisiwa ni kulamuliwa, Kanilezi a xikari ka vanhu va ka kabye himani a zi alakanyileko Lezaku i lo susiwa misaveni ya vahanyako, A biwa hi kota ya zionho za tiko ga mina?

Danieli 9:11

A vaIsraeli vontlhe va hambunyetile a nayo wa wena, va ku fularela, va nga ingisi a gezu ga wena. Hikwalaho a nzhukano yi chululwe hehla ka hina, ni xifungo lexi xi tsalilweko nayweni wa Mosi a nanza ga Nungungulu, hakuva hi mu onhele. Levi 26:14; Deut. 27:15; 28:15

Mitsengo 15:31

Hakuva i kanyisile a gezu ga Jehova, i hambunyetile kuleletela kakwe; a munhu loye i ta tsemiwa; ni nanzu wakwe wu tava hehla kakwe.

Mateu 5:19

Hikwalaho kani hi mani a ta nga hambunyeta munwe wa milayo leyi yi tsongwani, a gonzisa vanhu ku maha lezo, i ta hlayiwa loyi tsongwanyani mufunweni wa le tilweni. Kanilezi loyi a hlayisako milayo a yi gonzisa, i ta hlayiwa wahombe mufunweni wa tilo. Jak. 2:10

Mitiro 23:3

Zonake Paule aku ngalo kakwe: Nungungulu i ta ku phakatawu, wena khurisi gi basisilweko hi mhemba; wena u tshamile laha a ku nzi lamula hi ka nayo, kanilezi u laya a kuva nzi biwa u hambunyeta nayo. Joh. 7:51

Va le Roma 3:20

Hakuva a ku na nyama yi ta nga hlayelwa kululama mahlweni kakwe hi mitiro ya nayo; hakuva a nayo wa tivisa hi kuonha. Efe. 2:8, 9; Xip. 7:7; Tis. 143:2; Gal. 2:16; 3:11

Va le Roma 4:15

Hakuva a nayo wu vanga zanga, kanilezi laha ku nga hava nayo, a ku kona ni ku hambunyeta nayo.

2 Va le Korinte 12:21

Ku nga taku loku nzi chikele ka nwina, a Nungungulu wa mina i ta nzi bohlisa mahlweni ka nwina, zonake nzi rilela vanyingi lava va onhileko kale, va nga hunzulukangiko a kunyenyezeni ni wubhayini ni wurembini legi va gi mahileko. 1 Kor. 5:1; Xip. 2:1, 4; Fil. 3:18

Jakobe 5:15

A kukhongela ka kukholwa ku ta hanyisa loyi a babyako, a Hosi yi ta mu vuxa; ni loku yena a ngha a onhile, i ta tsetselelwa. Isa. 33:24; Mat. 9:2

1 Johani 5:17

Kontlhe kungalulami kuonha; kanilezi xi kona xionho lexi xi nga yisiko kufeni.

1 Samueli 15:24

Zonake Saule aku ka Samueli: Nzi onhile, hakuva nzi hambunyetile zileletelo za Jehova ni magezu ya wena, hi kota ya lezi nzi nga chava vanhu nzi ingisa timhaka tabye.