1 Johani 3:2 - Tshwa Bible

² Varanzekako, makunu hina hi vana va Nungungulu; kanilezi a zi se ku wonekeliswa lezi hi ta ngava zona. Ha zi tiva lezaku loku yena a wonekeliswa, hi ta fanana naye; hakuva hi ta mu wona kota lezi a nga zona. Isa. 56:5; Rom. 8:18; Fil. 3:21

1 Johani 3:2 교차 참조

Joba 19:26

Hambu loku a hlonge ya miri wa mina yi onhekile, Nzi ta mu wona Nungungulu na nzi nga ha hi nyameni. 1 Kor. 13:12

Tisimu 16:11

Wena u ta nzi kangeta a ndlela ya wutomi; A mahlweni ka wena ku tele hi litsako, Ni canjeni ga wena ga xinene ku tele hi kuxalala kala kupinzuka.

Tisimu 17:15

A kululameni ka mina nzi ta wona a nghohe ya wena, Loku nzi khindlimuka nzi ta eneliswa hi dzumba ga wena. Mat. 5:8; Joh. 17:24; 1 Kor. 13:12

Tisimu 31:19

Gi kulisile kuyini a wunene ga wena, Legi u gi vekelako lava va ku chavako, Legi u va mahelako gona lava va ku tsumbako, A mahlweni ka vana va vanhu.

Isaya 56:5

Nzi ta va nyika wutshamu ni vito lomu ndlwini ya mina ni mutini wa mina, Legi gi hunzako akuva ni vana va xinuna ni va xisati; Nzi ta va nyika a vito ga pinzukelwa Legi gi to kala gi nga fuviswi. 2 Sam. 18:18; Kuv. 2:17

Malaki 3:2

Kanilezi himani a nga tiyelako a siku ga kuta kakwe? Himani a ta nga yima a kutani kakwe? Hakuva yena i ta kotisa a nzilo wa munyekisi, ni ku kotisa a sabawu ya vahlazi.

Mateu 5:8

Va katekile lava va kubasa timbilu, hakuva va ta wona Nungungulu. 1 Kor. 13:12; Maheb. 12:14; 1 Joh. 3:2, 3

Luka 17:30

Zi tava nghaho sikwini lego a Nʼwana wa munhu a ta nga wonekeliswa ha gona. 2 Tes. 1:7

Luka 20:36

hakuva a va ha zi koti kufa; hakuva va ecana ni tingelosi; i vanana va Nungungulu, hilezi va nga vanana va kuvuka hi ka vafileko. Rom. 8:23; 1 Kor. 15:42, 49, 52

Johani 1:12

Kanilezi vontlhe lava va nga mu amukela, i va nyikile ntamu wa ku maha vana va Nungungulu, vona lava va kholwako hi vito gakwe;

Johani 11:52

Na ku nga hi tiko goce, kanilezi hi lezaku a fela ku wungeletela a vana va Nungungulu lava va hangalakileko. Isa. 49:6; Efe. 2:14; 1 Joh. 2:2

Johani 17:24

Dadani, nzi ranza lezaku lava u nzi nyikileko vona, na vonawu va fela ku tshama na mina laha nzi nga kona; kasi va fela ku wona a kungangamela ka mina loku u nzi nyikileko kona; hakuva u nzi ranzile na yi nga se ku vangiwa misava. Vesi 5; Xip. 12:26; 1 Tes. 4:17

Va le Roma 8:16

Ni wona Moya wutsumbu wu kustumunya zinwe ni moya wa hina lezaku hi vana va Nungungulu. 2 Kor. 1:22; Efe. 1:13

Va le Roma 8:18

Hakuva nza alakanya nziku, a kuxaniseka ka lexi xikhati a ku na ku ringaniswa ni kungangamela loku ku ta nga wonekeliswa ka hina. 2 Kor. 4:17; 1 Ped. 1:6, 7

Va le Roma 8:19

Hakuva zontlhe zivangwa zi cuwukela hi kunavelisisa ka hombe a kuvululelwa ka vana va Nungungulu. 2 Ped. 3:13; 1 Joh. 3:2

Va le Roma 8:29

Hakuva vona lava a nga va tiva hi kale, valava i lo va yimisa hi kale a ku ecana ni xiyimo xa Nʼwana wakwe, lezaku a fela ku maha matewula xikari ka vamakabye vanyingi. Ekso. 33:12; Joh. 17:22; Efe. 1:5; Kol. 1:18

1 Va le Korinte 13:12

Hakuva makunu hi wonisa lirambela, khwatsi hi laha wonini, kanilezi hi lexo xikhati hi ta wonana nghohe ni nghohe. Makunu nza tiva khihlanya ntsena, kanilezi hi lexo xikhati nzi ta tiva zontlhe kota lezi mina nzi tibyilweko hi kuteleko. Mat. 18:10; 2 Kor. 3:18; 5:7; 1 Joh. 3:2

1 Va le Korinte 15:49

Kota lezi hi nga tekelela a wa misava, hizalezo kambe hi ta tekelela a wa le tilweni. Gen. 5:3; Rom. 8:29; Fil. 3:21

1 Va le Korinte 2:9

Kanilezi hi kanela kota lezi ku tsalilweko ku ngalo: A zilo lezi zi nga woniwangiko hi tihlo, ni ndleve yi nga zi zwangiko, Lezi zi nga alakanyiwiko mbilwini ya munhu, Zalezo Nungungulu i zi longisele vona lava va mu ranzako. Isa. 64:4

2 Va le Korinte 3:18

Hina hontlhe lava hi cuwukako a kungangamela ka Hosi hi mahlo ma nga fenengetwangiko a ku khwatsi hi laha wonini, ha hunzuluswa a ku fanana zinwe naye, hi longoloka hi kungangamela kunwe hiya ka kunwani, kota lezi yi tirako Hosi leyi, yi nga Moya. Joh. 9:39; Rom. 8:29; Xip. 4:4, 6; Kol. 3:10

2 Va le Korinte 4:17

Hakuva a kuxaniseka ka hina ko hehuka ka xikhatanyana ntsena, ka hi tirela a ntsengo wa hombe wa wudumo ga pinzukelwa;

Va le Galatia 3:26

Hakuva nwina nwentlhe mu varisanyana va Nungungulu hi kukholwa ka Kristu Jesu. Joh. 1:12

Va le Galatia 4:6

Kota lezi mu nga vana, Nungungulu i rumela a Moya wa Nʼwana wakwe timbilwini ta hina, lowu wu vitanako, wuku: Abba, Dadani!

Va le Filipi 3:21

Loyi a ta nga hunzula luswa a xiyimo xa miri wa hina wa kukoramiswa, kasi wu fanana ni miri wakwe wa kungangamela, hi ntamu lowu ha wona a zi kotako ku ti vekela zilo zontlhe lahasi kakwe. Isa. 63:1; Mat. 17:2; 1 Kor. 15:43; Efe. 1:19; Maheb. 7:25

Va le Kolosi 3:4

Laha Kristu, loyi a nga wutomi ga hina, a ta nga wonekeliswa, zonake na nwinawu mu ta wonekeliswa zinwe naye hi kungangamela. Joh. 11:25; 1 Kor. 15:43; 1 Joh. 3:2

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

2 Pedro 1:4

Yena i lo hi nyika a zitsumbiso zakwe za malongo lezi zi nga za hombe nguvu, lezaku ha zona mu fela kuva zihlengeli za xiyimo xa wuNungungulu, na mu ponile kuboleni loku ku nga kona laha misaveni hi kota ya kumbilukela. 2 Kor. 3:18; 7:1; 1 Joh. 3:2

1 Johani 2:28

Makunu, vana vanga, tshamani ka yena; lezaku hi fela kuva ni kutiya hi siku legi a ta nga wonekeliswa ha gona, hi nga hi na tingana mahlweni ka yena a kuwuyeni kakwe.

1 Johani 2:7

Varanzekako, a nzi mu tsaleli a nayo muswa, kanilezi i nayo wa kale lowu mu nga hi nawo hi kusanguleni; a nayo lowu wa kale hi mhaka leyi mu yi zwileko. 2 Joh. 5

1 Johani 3:1

Langutani lezaku liranzo la kuyini leli Dadani a hi ranzileko ha lona, lezaku hi vitanwa aku hi vana va Nungungulu; hakuva hi hina vona. A tiko a gi hi tivi, hakuva yenawu a gi mu tivangi. Joh. 1:12; 16:3

1 Johani 3:10

Hi xwalexo xi kombisako lava va nga vana va Nungungulu ni lava va nga vana va Satani: kani hi wihi loyi a nga mahiko lezi zi lulamileko a hi wa Nungungulu, ge ni loyi a nga ranziko makabye wakwe.

1 Johani 3:21

Varanzekako, loku timbilu ta hina ti nga hi koni, hi na ni kutsumba ku tiyileko mahlweni ka Nungungulu; Joba 22:26; Maheb. 10:22

1 Johani 5:1

Kani hi wihi loyi a kholwako lezaku Jesu hi Kristu i belekilwe hi Nungungulu; ni loyi a ranzako Dadani wa ranza ni loyi a belekilweko hi yena. Joh. 1:12, 13; 15:23; Xip. 2:22

Kuvululelwa 2:28

Nzi ta mu nyika Mahlahle wa mixo. Xip. 22:16

Kuvululelwa 22:4

Ma ta wona nghohe yakwe, ni vito gakwe gi ta tsaliwa zimombyeni zabye. Mat. 5:8; 1 Joh. 3:2; Xip. 14:1