1 Johani 3:1 - Tshwa Bible

¹ Langutani lezaku liranzo la kuyini leli Dadani a hi ranzileko ha lona, lezaku hi vitanwa aku hi vana va Nungungulu; hakuva hi hina vona. A tiko a gi hi tivi, hakuva yenawu a gi mu tivangi. Joh. 1:12; 16:3

1 Johani 3:1 교차 참조

2 Samueli 7:19

Na kona xi wa hi xilo xitsongwani mahlweni ka wena Hosi Jehova. Kanilezi wena u wulawulile hi yindlu ya nanza ga wena ni ka xikhati xa ha tako. O Hosi Jehova, xana lexo xileletelo xa vanhu ke?

Tisimu 31:19

Gi kulisile kuyini a wunene ga wena, Legi u gi vekelako lava va ku chavako, Legi u va mahelako gona lava va ku tsumbako, A mahlweni ka vana va vanhu.

Jeremia 3:19

Nzi waku: Nzi ta ku veka xikari ka vanana va mina, Nzi ta ku nyika a tiko gi xuvekako, A tshomba yo saseka nguvu xikari ka matiko. Nziku: Mu ta nzi vitana, muku: Dadani; Mu nga ta ha hambuka mu nzi siya.

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Luka 20:36

hakuva a va ha zi koti kufa; hakuva va ecana ni tingelosi; i vanana va Nungungulu, hilezi va nga vanana va kuvuka hi ka vafileko. Rom. 8:23; 1 Kor. 15:42, 49, 52

Johani 1:12

Kanilezi vontlhe lava va nga mu amukela, i va nyikile ntamu wa ku maha vana va Nungungulu, vona lava va kholwako hi vito gakwe;

Johani 11:52

Na ku nga hi tiko goce, kanilezi hi lezaku a fela ku wungeletela a vana va Nungungulu lava va hangalakileko. Isa. 49:6; Efe. 2:14; 1 Joh. 2:2

Johani 15:21

Kanilezi va ta maha zontlhe lezi ka nwina hi kota ya vito ga mina, hakuva a va mu tivi loyi a nzi rumileko. Mat. 24:9

Johani 16:3

Va ta maha lezi, hakuva a va tivangi Dadani na mina. 1 Kor. 2:8; 1 Tim. 1:13

Johani 17:25

Dadani wa nongameto, a tiko a gi ku tivangi, kanilezi mina nzi ku tivile; na vona lava va zi tivile lezaku u nzi rumile. Xip. 8:55; 16:3, 27

Johani 3:16

Hakuva Nungungulu i lo ranza tiko kota lezi, a kala a nyikela a Nʼwana wakwe a belekilweko yece, kasi ni wihi loyi a kholwako kakwe a nga lovi, kanilezi ave ni wutomi ga pinzukelwa. Rom. 5:8; 1 Joh. 4:9

Va le Roma 5:8

Kanilezi Nungungulu wa kombisa a kuhiranza kakwe hi lexi, lezaku na ha hi vaonhi Kristu i lo hi fela. Joh. 15:13; 1 Ped. 3:18

Va le Roma 8:19

Hakuva zontlhe zivangwa zi cuwukela hi kunavelisisa ka hombe a kuvululelwa ka vana va Nungungulu. 2 Ped. 3:13; 1 Joh. 3:2

Va le Roma 8:21

kanilezi ku kona kutsumba lezaku a zivangwa zi ta tirulwa wukhumbini ga kubola zi enghena kutlhatlhekeni ka kungangamela ka vana va Nungungulu.

Va le Roma 8:32

Yena loyi a nga kala ku ala ni Nʼwana wakwe, kanilezi a mu nyikela hi kota ya hina hontlhe, xana a nga ta hi nyika zilo zontlhe zinwe naye ke?

2 Va le Korinte 6:18

Nzi tava Raru wa nwina, nwina mu tava a varisanyana ni vanhanyana va mina, ku wula Hosi ya Nyamintamu. Jer. 31:1, 9; Kuv. 21:7

Va le Galatia 3:26

Hakuva nwina nwentlhe mu varisanyana va Nungungulu hi kukholwa ka Kristu Jesu. Joh. 1:12

Va le Galatia 3:29

Loku nwina mu hi va ka Kristu mu pswalo wa Abrahama, mu zigatshomba hi kota va xitsumbiso. Gen. 21:10; Rom. 8:17; 9:7; Maheb. 11:18

Deuteronome 14:1

Nwina mu vanana va Jehova Nungungulu wa nwina. Mu nga tlhaveli tihlanga mirini wa nwina, hambu ni ku cinga phandla hi kota ya vafileko.

Va le Kolosi 3:3

Hakuva mu file, ni kuhanya ka nwina ku fihlilwe zinwe na Kristu ka Nungungulu. 2 Kor. 5:7; Gal. 2:20

1 Johani 3:10

Hi xwalexo xi kombisako lava va nga vana va Nungungulu ni lava va nga vana va Satani: kani hi wihi loyi a nga mahiko lezi zi lulamileko a hi wa Nungungulu, ge ni loyi a nga ranziko makabye wakwe.

1 Johani 3:2

Varanzekako, makunu hina hi vana va Nungungulu; kanilezi a zi se ku wonekeliswa lezi hi ta ngava zona. Ha zi tiva lezaku loku yena a wonekeliswa, hi ta fanana naye; hakuva hi ta mu wona kota lezi a nga zona. Isa. 56:5; Rom. 8:18; Fil. 3:21

1 Johani 4:17

A liranzo li mbhelelisilwe xikari ka hina loku hi hi ni kutiya hi tlhelo ga siku ga kulamula; hakuva kota lezi yena a nga zona, hinawu hi zalezo tikweni legi. Jak. 2:13

Kuvululelwa 21:7

Loyi a hlulako i taga a tshomba ya lezi zilo; nzi tava Nungungulu wakwe, yena i tava nwananga. Maheb. 8:10