1 Johani 1:9 - Tshwa Bible

⁹ Loku hi vumela a zionho za hina, Nungungulu i tsumbekile ni kululama, lezaku a hi tsetselela a zionho za hina, ni ku hi hlaza kontlhe a kungalulami. Tis. 32:5; 51:2; Mat. 28:13

1 Johani 1:9 교차 참조

1 Tihosi 8:30

Ingisa kukhongela ka nanza ga wena, ni ka vanhu va wena va ka Israeli, loku va ta khongela ka legi wutshamu. Ingisa na u hi kwaleyo tilweni wutshanwini ga wena, ni laha u zwako, tsetselela!

1 Tihosi 8:47

loku va ya ti sola na va hi kwaleyo tikweni lego va ta nga ya maha tikhumbi ka gona, va hunzuluka va khongela na va hi kwaleyo tikweni ga lavo va va khomileko, vaku: Hi onhile, hi mahile zo biha, hi gohile!

Nehemia 1:6

ngha a ndleve ya wena yi panga, ni mahlo ya wena ma vululeka, kasi wa fela kuzwa a mukombelo wa nanza ga wena, lowu nzi wu kombelako xikhati lexi, wusiku ni mumu, nzi kombelelako a vanana va ka Israeli, a malanza ya wena, na nzi wulela zionho zabye, lezi hi ku onheleko. Ina, mina ni vadadani va mina hi onhile.

Tisimu 19:12

Himani a tivako a zihoxo zakwe ke? Nzi rivalele lezi zi fihlilweko.

Tisimu 32:5

Nzi ku tivisile a kuonha ka mina, A kugoha ka mina a nzi ku fihlangi. Nzi te ngalo: Nzi ta vumela a zihambuko za mina ka Jehova; Zonake u tsetselele a nanzu wa kuonha ka mina. (Sela.) 2 Sam. 12:13; 1 Joh. 1:9

Eksodusi 34:7

loyi a nga ni wuxinji ka khume ga mazana, loyi a tsetselelako munhu wa kubiha, ni wa kuhambuka ni kuonha; kanilezi lava va nga ti soliko hi milanzu leyi va nga nayo a nga va rivaleli; kanilezi i tsayisa a vanana ni vazukulu kala ku chikela ka xizukulwana xa wunharu ni xa wumune, hi kota ya kuonha ka vapswali vabye. Joba 9:2; Jer. 32:18; Nah. 1:3

Mavingu 28:13

Loyi a fihlako zionho zakwe cima a nga ta kateka; anilezi loyi a zi wulelako, a zi tsika, i ta mahelwa wuxinji. 1 Joh. 1:9

Isaya 45:21

Tshawutelani mhaka, mu yi humesa, A va xuxe khatiginwe. Himani a nga vumba lezi zilo hi kaleloko, A zi byeletela hi mahlweni? A hi mina Jehova ke? A ku na munwani Nungungulu ahandle ka mina, Hi mina nzoce Nungungulu a lulamileko, tlhelo Muhanyisi.

Jeremia 3:13

Ntsena u fanele ku vumela a kubiha ka wena, lezaku u tsikile Jehova, a Nungungulu wa wena, na u tsutsumela matlhelo wontihe uya ka vanungungulu va vamatiko a hasi ka tisinya tontlhe to nyuka; a mu ingisangi a gezu ga mina, ku wula Jehova.

Jeremia 33:8

Nzi ta va basisa kubiheni kabye kontlhe loku va nzi onheleko ha kona; nzi va tsetselela a zigoho zabye zontlhe lezi va nzi vukeleko ha zona, lezi va nga hambuka ha zona mahlweni mina, Ezek. 36:25; Zak. 13:1; Miti. 10:43

Mikosi 3:23

Gi tlhela gi hi giswa mixo ni mixo, A kutsumbeka ka wena ka hombe.

Ezekieli 36:25

Nzi ta mu nwatsekela a mati ma basileko, mu ta basa; nzi ta mu hlaza a chaka ga nwina gontlhe, ni ka zifananiso za nwina zontlhe.

Ezekieli 37:23

Va nga ta ha ti nyenyezisa hi zifananiso zabye, hambu hi manyalataniso yabye, ge hambu hi zihambunyeto zabye. Kanilezi nzi ta va ponisa wuakelweni gabye gontlhe legi va onhileko ka gona, nzi va basisa. Zonake va tava vanhu va mina, mina nziva Nungungulu wabye.

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Mateu 3:6

va lo bapatizwa hi yena congweni wa Jordani, va wulela zionho zabye. Miti. 19:4, 18

Marku 1:5

A tiko gontlhe ga Judia, ni vontlhe va le Jerusalema va lo huma vaya ka yena, va lo bapatizwa hi yena congweni wa Jordani, na va wulela a zionho zabye. Mat. 3:5

Luka 22:57

Kanilezi Pedro i lo kaneta, aku: Wasati, a nzi mu tivi.

Johani 17:25

Dadani wa nongameto, a tiko a gi ku tivangi, kanilezi mina nzi ku tivile; na vona lava va zi tivile lezaku u nzi rumile. Xip. 8:55; 16:3, 27

Mitiro 19:18

A vanyingi va lava va nga kholilwe va lota, va ta vumela va hlawutela a zimaho zabye. Mal. 3:6

Va le Roma 3:26

lezaku a kululama kakwe ku wonekeliswa xikhatini xa makunu, kasi a kumeka na a lulamile, ni lezaku a hlayela kululama loyi a kholwako ka Jesu.

1 Va le Korinte 1:9

Nungungulu i tsumbekile, loyi a mu vitanileko a ku ta hlengela ni Nʼwana wakwe Jesu Kristu a Hosi ya hina. Isa. 49:7; Joh. 15:4; Maheb. 10:23; 1 Joh. 4:13

1 Va le Korinte 6:11

A vanwani va nwina va wa hi vakunghaho; kanilezi mu lo hlaziwa, mu basiswa, mu hlayelwa kululama a vitweni ga Hosi Jesu Kristu, ni le Moyeni wa Nungungulu wa hina. Maheb. 10:22

Va le Efesusi 5:26

lezaku a gi basisa, loku a gi hlazile hi ku bapatiza hi mati zinwe ni mhaka, Joh. 3:5; 15:3; Maheb. 10:22; 1 Joh. 5:6

Deuteronome 7:9

Zi tive lezaku Jehova Nungungulu wa wena hi yena Nungungulu; i Nungungulu a tsumbekako, loyi a hlayisako xivumelwano xakwe ni wuxinji, kala ka xizukulwana xa khume ga mazana xa lava va mu ranzako, ni ka lava va hlayisako milayo yakwe. Ekso. 20:6; 34:7

1 Timote 1:15

A mhaka leyi yi tiyile, yi fanele ku amukelwa kontlhe, lezaku Kristu Jesu i lota misaveni ku ta hanyisa vaonhi, lava mina nzi nga nhonzwa yabye. Mat. 9:13; Lu. 19:10; Rom. 5:8; 1 Joh. 3:5

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Maheberu 10:23

A hi khomisiseni a kuvumela ka kutsumba ka hina, kasi ku nga kanakaniswi; hakuva i tsumbekile loyi a nga hi tsumbisa. 1 Kor. 1:9; 10:13; 2 Tes. 3:3

Maheberu 11:11

Hi kukholwa Sara i lo kuma ntamu wa ku xura nyimba, hambu lezi a xikhati xakwe xi nga hunzile, hilezi i lo alakanya aku i tsumbekile loyi a nga mu tsumbisa. Gen. 21:2; Rom. 4:21

Maheberu 6:10

Hakuva Nungungulu a hi loyi a nga lulamangiko wo kala a rivala a mitiro ya nwina, ni liranzo leli mu nga li kombisa vitweni gakwe, laha mu nga vunetela lava vo basa, kota lezi ma ha vunetelako ni zalezi. Mat. 10:42; Joh. 13:20; 1 Tes. 1:3

1 Johani 1:7

Kanilezi loku hi famba kuwonekeleni, kota lezi yena a nga kuwonekeleni, hina hi hlengele munwe ni munwani, ni nkhata wa Jesu a Nʼwana wakwe wa hi hlaza zionho zontlhe. Maheb. 9:14; 1 Ped. 1:19; Kuv. 1:5

Kuvululelwa 15:3

Va yimbelela a lisimu la Mosi, a nanza ga Nungungulu, ni lisimu la Yivana, vaku: A mitiro ya wena nja hombe ya hlamalisa, Hosi Nungungulu Nyamintamu, A tindlela ta wena ti lulamile ti nene, Wena Hosi ya matiko. Ekso. 15:1; Deut. 32:4; Hos. 14:9