1 Johani 1:7 - Tshwa Bible

⁷ Kanilezi loku hi famba kuwonekeleni, kota lezi yena a nga kuwonekeleni, hina hi hlengele munwe ni munwani, ni nkhata wa Jesu a Nʼwana wakwe wa hi hlaza zionho zontlhe. Maheb. 9:14; 1 Ped. 1:19; Kuv. 1:5

1 Johani 1:7 교차 참조

Tisimu 104:2

U ambele kuwonekela kukotisa nguwo, U andlala matilo kukotisa a tenda. Gen. 1:1; Isa. 40:22

Tisimu 51:2

Nzi hlaze nziku pa kugoheni ka mina, U nzi basisa kuonheni ka mina.

Tisimu 56:13

Hakuva u ponisile a muhefemulo wa mina kufeni, Ni mikonzo ya mina le kuweni; A kuva nzi famba mahlweni ka Nungungulu, Lomu kuwonekeleni ka vahanyako.

Tisimu 89:15

Gi katekile a tiko legi gi tivako a guwa ga litsako. Gi famba kuwonekeleni ka nghohe ya wena, Jehova. Mitse. 23:21

Tisimu 97:11

A kuwonekela ku xwanyelwe lava va kululama, Ni kutsaka ka lava va lulamileko timbilu.

Isaya 2:5

Yindlu ya Jakobe, ngonani hi famba kuwonekeleni ka Jehova!

Isaya 33:24

A ku na muaki ni munwe a ta ngaku: Nza babya! A vanhu va akileko lomu va ta tsetselelwa zionho zabye. Joeli 3:10; Zak. 12:8

Isaya 6:7

Gi lo khumba a nomu wa mina ha gona, giku: Languta, a khala legi gi khumbile milomu ya wena, a zigoho za wena zi susilwe, ni kuonha ka wena ku tsetselelwe.

Amosi 3:3

A vanhu vambiri va nga famba zinwe, ahandle ka kuva va kari va zwanana ke?

Zakaria 13:1

Hi siku lego a yindlu ya ka Davida ni vaaki va Jerusalema va ta mahelwa a hlowo, kasi ku hlaza kuonha ni zivi.

Mateu 6:12

Hi tsetselele milanzu ya hina, khwatsi hilezi hi va tsetselelako lava va nga ni milanzu ka hina. Xip. 18:21

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

Johani 12:35

Jesu aku ngalo kabye: A kuwonekela ka ha hi na nwina a xikhatanyana. Fambani na ma ha hi ni kuwonekela, kasi a munyama wu nga mu kamanyeti. Loyi a fambako munyameni a nga ku tivi laha a yako kona. Jer. 13:16; Xip. 1:9; 11:10

Johani 5:4

Hakuva a ngelosi yi wa relela hi zikhati zo kari, yi ta vindlukisa a mati ya lomu xitivaneni; zonake loyi a nga ranga a enghena matini loku mati ma vindlusilwe, i wa hanyiswa hi gihi wubabyi legi a nga hi nago.

Va le Roma 13:12

A wusiku gi hunzile, ni kuca ku tshinele; hikwalaho a hi tsikeni a mitiro ya munyama, hi hloma a matlhari ya kuwonekela. Efe. 6:13

1 Va le Korinte 6:11

A vanwani va nwina va wa hi vakunghaho; kanilezi mu lo hlaziwa, mu basiswa, mu hlayelwa kululama a vitweni ga Hosi Jesu Kristu, ni le Moyeni wa Nungungulu wa hina. Maheb. 10:22

Va le Efesusi 1:7

Hi kuma ha yena a kutirulwa ka hina hi kota ya nkhata wakwe, ku nga kutsetselelwa ka zihambuko za hina, hi ku ringana ni kutala ka tipswalo takwe, Rom. 3:24; Maheb. 9:12

Va le Efesusi 5:8

Hakuva a kale mu wa hi munyama, kanilezi makunu mu kuwonekela Hosini; fambani khwatsi hi vanana va kuwonekela,

1 Timote 6:16

a nga yena yece loyi a nga hiko na kufa, loyi a tshamileko kuwonekeleni loku ku nga hiko na kutshinelelwa; loyi a nga woniwangiko hi munhu, hambu ku zi kota ku mu wona; a ka yena a kuve kudzunziwa ni ntamu wa pinzukelwa. Amen! Ekso. 33:20; Deut. 4:12; Joh. 6:46; Fil. 4:20

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

1 Pedro 1:19

na ku nga hi hi zilo zi bolako, a siliva kutani nzalama, kanilezi mu tirulwe hi nkhata lowu wa malongo, wo kota wa yivana yi nga hiko na khwanga ni bawa, wu nga wona nkhata wa Kristu. Ekso. 12:5; Joh. 1:29; Kuv. 5:9

1 Johani 1:3

lexi hi xi wonileko ni ku xizwa, hi lexo hi bako hungu ka nwina ha xona, kasi na nwinawu mu fela ku hlengela zinwe na hina; ina, a kuhlengela ka hina ku zinwe na Dadani ni Nʼwana wakwe Jesu Kristu. Miti. 4:20; 1 Kor. 1:9

1 Johani 1:5

A mhaka leyi hi yi zwileko ka yena hi leyi, ha mu tivisa yona, lezaku Nungungulu kuwonekela, a ku na munyama ka yena, ne ni kutsongwanyani.

1 Johani 5:6

Jesu Kristu hi yena loyi a ngata hi mati ni nkhata; a nga tangi hi mati woce, kanilezi hi mati zinwe ni nkhata. Joh. 15:26; 19:34

1 Johani 5:8

Hakuva a vakustumunyu mbanharu, hi Moya, ni mati, ni nkhata; lezi zinharu zi na ni wukustumunyu ginwe.

2 Johani 1:4

Mina nza nengela nguvu hilezi nzi kumileko a vanwani va vana va wena na va kari va famba hi zinene, kota lezi hi nga layiwa hi Dadani. 3 Joh. 3

3 Johani 1:4

A nzi na kutsaka ka hombe ku hunza loku nzi nga nako, laha nzi zwako lezaku vana va mina va famba zineneni. 1 Kor. 4:15; File. 10

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

Kuvululelwa 12:11

Va mu hlulile hi nkhata wa Yivana, ni mhaka ya wukustumunyu gabye; a va chavangi kufa hi kota ya ku ranza kuhanya kabye. Lu. 14:26; Rom. 8:37

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9