1 Johani 1:4 - Tshwa Bible

⁴ Ha mu tsalela timhaka leti kasi a kutsaka ka nwina ka tatiseka.

1 Johani 1:4 교차 참조

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Johani 15:11

Nzi mu byelile lezi, kasi a kutsaka ka mina ku fela ku tshama ka nwina, ni lezaku a kutsaka ka nwina ku mbhelela. 1 Joh. 1:4

Johani 16:24

Cima ka lezi a mu se nga kombela nchumu vitweni ga mina; kombelani, mu ta nyikiwa, kasi a kutsaka ka nwina ku fela ku mbhelela.

Johani 3:29

Loyi a nga ni mutekiwa hi yena muteki; kanilezi a nyatsumi wa muteki, loyi a yimako kona a muzwa, wa tsaka nguvu hi kota ya gezu ga muteki; hi kona kutsaka loku ku tatisekileko ka mina. Mat. 22:2; Efe. 5:25; Kuv. 21:9

2 Va le Korinte 1:24

Na ku nga hi lezaku nzi ranza ku fumela a kukholwa ka nwina; kanilezi nza lava ku mu vuna a kuva mu tsaka, hakuva mu yimile khwatsi kukholweni. Rom. 11:20; 1 Kor. 15:1

Va le Efesusi 3:19

ni ku tiva a liranzo la Kristu leli li hunzako kutiva kontlhe, lezaku mu tatiswa hi kutala kontlhe ka Nungungulu. Joh. 1:16; Kol. 2:9

1 Johani 2:1

Vana vanga, nza mu tsalela timhaka leti lezaku kasi mu fela ku kala mu nga onhi. Kanilezi loku munhu a onha, hi na ni Muyimeli ka Dadani, a nga Jesu Kristu a lulamileko. 1 Tim. 2:5; Maheb. 9:24

2 Johani 1:12

Nza ha hi ni timhaka to tala, kanilezi a nzi ranzi a ku mu tsalela ha tona hi papilo ni tinta; hilezi nza tsumba lezaku nzi tata, ka nwina, hi ta wulawula hi milomu, kasi a kutsaka ka nwina ka mbhelela.