Matiu 5:14 - Sudest

¹⁴ “Ghemi yambaneke ghamanjamanjala. Thoŋgo thɨ vakatha ghemba regha e ou vwatae gharɨgharɨke taulaghɨ ne thɨ thuwe.

Matiu 5:14 교차 참조

Toto Thovuye Utuniye Jon Le Rorori 12:36

Hu loŋweghathɨgha manjamanjalana mbaŋa amba ina weŋga, ghemi mbala hu tabona manjamanjala gharɨgharɨniye.” Mbaŋa i utuvao iyake i iteteŋgi na i rothuwele weŋgi.

Toto Thovuye Utuniye Jon Le Rorori 5:35

Jon iye va ŋgoreiya theŋgi i ra na i woya. Iya kaiwae va hu yavovoŋa le utuko mbaŋa ubotu.”

Toto Thovuye Utuniye Jon Le Rorori 8:12

Jisas mbowo i utuva weŋgiya gharɨgharɨ iŋa, “Ghino rameyambaneke lenji manjamanjala. Thela thoŋgo i ghambuŋgo, ne i vaidiya yawaliye ghamanjamanjala, ko mane mbaŋa regha i loŋga e momouwo.”

Toto Thovuye Utuniye Jon Le Rorori 9:5

Mbaŋa amba inaŋgu e yambaneke, yambaneke ghamanjamanjala ghino.”

2 Korinita 6:14

Thava weimiyaŋgiya thavala ma thɨ loŋweghathɨ hu kaiwo na regha o hu tubwe na regha. Thare valɨkaiwae thovuye na tharɨ thɨ kaiwo na regha? Thare valɨkaiwae manjamanjala na momouwo thɨ yaku na regha?

Pilipai 2:15

na mbala thava ghamiwonjowe o lemi tharɨ regha, iyemaeŋge ŋgoramiya Loi le ŋgamaŋgama thovuthovuye gharɨgharɨ raraitharɨ na wolaghɨyeke e maranji. Totoko iya valɨkaiwae i giya yawalɨko thovuye hu utuŋa weŋgi, na mbala manjamanjalawamina i woya e tɨnenji ŋgoreiya ghɨtara i woya na i vakeke buruburuko. Thoŋgo hu vakatha ŋgoreiyako, mbaŋaniye Krais ne i njoghama ne ya warari, kaiwae lo rovurɨgheghe na lo kaiwo ma ya vakatha bwagabwaga e ghemi.

1 Tesalonaika 5:5

Taulaghɨna ghemi ghararaghɨye na manjamanjala gharɨgharɨniye. Ghinda ma gougou na momouwo gharɨgharɨniye ghinda.

Vatomwe 1:20

Simosimoko iya mo thuweŋgiko — ghɨtara voghɨpirɨ me nanji e nɨmaŋguke e uneŋguke na kadɨŋeŋe weinji ghambanji gol lenji ghanaghanagha theghepirɨ ghanjirumwaru ŋgoreiyake: ghɨtara voghɨpirɨ thiye nyao thovuthovuye ekelesiyama ghepirɨma ghanjiranjimbunjimbu, na kadɨŋeŋe weinji ghambanji gol lenji ghanaghanagha ghepirɨ, thiye ekelesiya ghepirɨma.”

Vatomwe 2:5

Wo hu renuwaŋa lemi gharethovuko le laghɨlaghɨye va iyako, ambane hu ghareghare ŋgoroŋga lemi dobu na le molamolao. Wo hu roiteteŋgiya ghamithanavuna raraitharɨ na ghamithanavu ne ŋgoreiya va hu vakathakaiko. Thoŋgo ma hu ndeghereiye wanaŋgiya ghamithanavu raraitharɨ, ne ya ghaona e ghemi na ya thɨna lemi kadɨŋeŋena weiye ghambaena.