Matiu 20:21 - Sudest

²¹ Jisas i dagewe, iŋa, “Nuwaniya budakai?” Iŋa, “Nuwaŋguiya u dagerawe e ghino, mbaŋa ne inan e len ghamba mbaro tɨne, lo ŋgaŋgake thenjighewoke thiyake; regha ne i yaku e unena na regha e moina.”

Matiu 20:21 교차 참조

Matiu 18:1

Va e mbaŋako iyako Jisas gharaghambu thɨ menawe na thɨ vaito thɨŋa, “Thela idae i laghɨye Loi ele ghamba mbaro tɨne?”

Matiu 19:28

Jisas i dage weŋgi iŋa, “Ya dage emunjoru e ghemi ne e yambane togha, mbaŋa Lolo Nariye ne i yaku ele ghamba yaku vwenyevwenye ghemi woraghambu themiyaworo na themighewona, ne hu yaku e ghamba yaku theyaworo na theghewo na hu mbaroŋgiya uu theyaworo na theghewo Isirel e tɨne.

Matiu 20:22

Jisas i dage weŋgi, iŋa, “Ma hu ghareghare, hu naŋgo weya budakai. Valɨkaiwami ne hu mun e vɨrɨke ghakom iya ghino ne ya munɨkewe?” Thɨ gonjoghawe, thɨŋa, “Ŋgoreiye, valɨkaiwame eŋge.”

Matiu 20:32

Jisas i ndeghathɨ na i kula weŋgi iŋa, “Nuwamiya ya vakatha budakai kaiwami?”

Toto Thovuye Utuniye Mak Le Rorori 10:51

Amba Jisas i vaito iŋa, “Nuwaniya ya vakatha budakai kaiwan?” I gonjoghawe iŋa, “Ravavaghare, nuwaŋguiya maramaraŋguke thɨ thovuye na ma ya thuweva.”

Toto Thovuye Utuniye Mak Le Rorori 16:19

Mbaŋa Giya Jisas i utuvao weŋgi amba Loi i vakatha na i voro e buruburu na i yaku Loi e une e ghamba yavwatata.

Toto Thovuye Utuniye Mak Le Rorori 6:22

Herodiyas yawarumbuye i mena i ru na i thari. Herod na giyagiyako methɨ rakaruko e thagako thɨ warari laghɨye le thariko kaiwae. Amba Herod i dagewe iŋa, “The bigiya nuwaniya ne u naŋgo e ghino ya wogiya e ghen!”

Toto Thovuye Utuniye Luk Le Rorori 18:41

“Nuwaniya ya vakatha budakai kaiwan?” I gonjoghawe iŋa, “Giyana, nuwaŋguiya kaero ya thuweva.”

Toto Thovuye Utuniye Luk Le Rorori 19:11

Mbaŋa gharɨgharɨ thɨ vandevandeŋa iyako, Jisas i gotubwe e goghaimbake iyake, kaiwae vama ina Jerusalem ghadidiye, na gharɨgharɨ va lenji renuwaŋa ne e mbaŋako vara iyako Loi le ghamba mbaro i yomara.

Toto Thovuye Utuniye Luk Le Rorori 22:24

Gharaghambu mbe thiye eŋge thɨ wogaithɨ thela i laghɨye moli e tɨnenjiko.

Toto Thovuye Utuniye Jon Le Rorori 15:7

Thoŋgo hu yaku e ghino na lo utuke i yaku e ghemi, ambane hu naŋgo weya thebigiya nuwamiya ne hu vaidi.

Vakatha 1:6

Mbaŋa ghalɨŋae gharaghambɨ thɨ mevathavatha weinji amba thɨ vaito, thɨŋa, “Amalana, ne mbaŋake iyake u rakayathu weŋgiya Isirel gharɨgharɨniye na u mbaroŋaŋgi ŋgoreiya va Kiŋ Deivid ghambaŋa?”

Rom Lenji Leta Pol Le Rorori 12:10

Hu vegharethovu weŋga regha na regha e lemi wabwina tɨne ŋgoreiya ramami na tɨnami regha. Lemi yavwatatana weŋgiya ghamunena mbaŋake wolaghɨye mbala i kivwala ghamayavwatatana weŋgi.

Rom Lenji Leta Pol Le Rorori 8:34

Thela ne i wovatharɨtharɨŋainda? Nandere moli, kaiwae Krais i mare, na kaero i thuweiruva mbaŋake i wo ghamba mbaro weya Loi valɨvaŋga e uneko i naŋgonaŋgo vurɨgheghe kaiwanda.

Kolose 3:1

Weimi Krais kaero Loi i vaŋguthuweiruŋa mare e tɨne na kaero e yawayawalimiva, iya kaiwae nuwamina mbe i ghaŋgowe vara bigibigi nanji e buruburu. Krais kaero ina gheko na i yaku Loi e uneke.