Toto Thovuye Utuniye Jon Le Rorori 9:37 - Sudest

³⁷ Jisas iŋa, “Kaero mendava u thuwe, na amalaghɨniye mbema iya vara i utuutuna e ghen mbaŋake iyake.”

Toto Thovuye Utuniye Jon Le Rorori 9:37 교차 참조

Matiu 11:25

E mbaŋako iyako Jisas iŋa, “Ya taraweŋaŋge, Bwebwe, Giya ghen e buruburu na e yambaneke, kaiwae u wothuwela bigibigike thiyake weŋgiya rathimbathimba na thavala lenji ghareghare i laghɨye na kaero u woraŋgiya weŋgiya thavala amba lenji renuwaŋa ŋgoreiya gamagai.

Toto Thovuye Utuniye Jon Le Rorori 4:26

Jisas i gonjoghawe iŋa, “Lolona iya u utuutu kaiwaena mbema iya ghinokeni, iya vara ya utuutuke e ghen mbaŋake iyake.”

Toto Thovuye Utuniye Jon Le Rorori 7:17

Thoŋgo thela i vatomwe ghare na i vakatha Loi le renuwaŋa, ne i vaidiya lo vavaghareke aŋga i mena, i menawe Loi o i mena wombereghake elo renuwaŋa tɨne.

Toto Thovuye Utuniye Jon Le Rorori 9:38

Amalako iŋa, “Giyana, kaero ya loŋweghathɨ.” Na i kururuwe.