Ziiŋi 33:5 - Senoufo Supyire

⁵ Tèni i Ezawu à ɲùŋke yîrig'a cyeebii ná pyìibii ɲya ke, ka u u jwo: «Nte sùpyire ti nte mu fye e ke, mpirefee pi yɛ?» Ka Yakuba si jwo: «Mii, u ɲyɛ mu bilinaŋi ke, Kile à ɲwɔ mii na, maa pyìibii mpiimu kan mii á ke, pire pi.»

Ziiŋi 33:5 교차 참조

Ziiŋi 30:2

Ka Yakuba lùuni si yîri Arasɛli taan, maa jwo: «Lire tèni i ke, mii u ɲyɛ Kile la? Kile bà u à mu sige pyìsini na mà?»

Ziiŋi 33:6

Ka báarapyicyeebii ná pi pyìibii si file maa niŋkure sín.

Ziiŋi 48:9

Ka Yusufu si jwo «Kile à pùnampyire shuunniŋi ntemu kan mii á naha Misira e ke, tire ti.» Ka Yakuba si jwo «Maye sanŋa yaha, maa pi file na na, bà mii si mpyi si jwó le pi á mɛ.»

Eburu Shiinbii 2:13

U à jwo mú na: «Mii kɔni, mii sì na sɔ̀nŋɔre láha Kile na mɛ» maa núr'à jwo: «Pyìibii Kile à kan mii á ke, mii ná pire pi mpii.»

Uruti 4:13

Ka Bwazi si Uruti lèŋɛ u cwo, maa wwɔ̀ ná u e tasínage na. Ka Kafooŋi Kile si mpa ná l'e, ka u u laa ta, maa mpa si pùnambile.