Yuhana 16:21 - Senoufo Supyire

²¹ Ceeŋi yaceni ká yîri, li ziŋi funmpɛɛnre maha u pyi u a yyahe tanha, ɲaha na yɛ pyàŋi tèesini yyefug'à nɔ u na. Ŋka u aha si a kwɔ̀, kuru funntange cye e, u maha funŋɔ wwɔ̀ yyefuge na.

Yuhana 16:21 교차 참조

Ziiŋi 3:16

Maa jwo ceeŋ'á «Mii sí là bâre mu laani ɲjyàŋi na. Mu lahigii ziŋi sí n-waha sèl'e. Mu la si mpyi si ma pooŋi jà, ŋka uru u sí n-pyi mu ɲùŋɔ na.»

Galati Shiinbii 4:27

L'à sémɛ na: «Cijiriŋɛ, ta múgure sèl'e, mu u ɲyɛ mu sàha laa yaŋkanna cè mɛ, ta ŋkwúuli funntange e, ɲaha na yɛ ceeŋi nɔ̀ŋ'à wâl'a yaha ke, uru pyìibii sí ɲyaha n‑tòro nɔ̀ɲyiicwoŋi wuubii na.»

1 Tesaloniki Shiinbii 5:3

Tèni i sùpyire sí n‑pa raa ŋko: «Wuu ɲyɛ yyeɲiŋke e, wuu saɲcwɔnŋ'à kɔ̀r'a ɲwɔ» ke, ɲyɛ lire tèni i yyefugo nimbwɔhɔ sí n‑pâa n‑cwo pi na, bà layaŋke maha mpâl'a cwo ceeŋi laa wuŋi na mɛ. Pi wà tufiige sì n‑shwɔ mɛ.