40 «Kile à pi pyi fyinmii, maa pi funɲyi tò, ɲaha na yɛ nde pi la ɲyɛ si zìi vyìinnɛ ke, lire li ɲyɛ ɲyiɲyaani ná karigii yyahe ɲcèŋi ná pi mpaŋi mii Kile yyére si ticuumpe ta.»
Lire kurugo “pi na Kile kapyiiŋkii wíi maa ɲcyé cyi ɲyaga, pi na Kile jwumpe núru maa ɲcyé pu lógogo, ɲaha na yɛ nde pi la ɲyɛ si zìi vyìinnɛ ke, lire li ɲyɛ, mà núr'a sà piye kan Kile á, bà pi kapegigii si mpyi si yàfa pi na mɛ.”»
«Kafooŋi Kile Munaani ɲyɛ mii ɲuŋ'i. U à mii cwɔɔnrɔ na mii u pa Jwumpe Nintanmpe jwo fòŋɔfeebil'á, si kàsujyiibii ɲjahaŋi kyaa jwo pi á, si fyinmpii ɲyiigii mùgoŋi kyaa jwo pi á, mpii pi ɲyɛ cwɔ̀nrɔmpe e ke, si pire yige pi kyéregefeebii cye e,
Ka Yesu si pi pyi: «Karigii cyi à yyaha tíi ná Kile Saanre e ná cyi à ŋwɔhɔ ke, yii á cyire ɲcèŋ'à kan, ŋka sùpyire sannt'á bàtaay'i cyi à jwo: “bà pi si mpyi s'a pu wíi, pi àha raa pu ɲaa raa ɲcwúu mɛ, s'a pu núru, pi àha raa pu yyaha cìni mɛ.”
Lire tèni i, ka Yesu si jwo: «Mii à pa diɲyɛŋi i si mpa sùpyire kapyiiŋkii kataampe cwɔɔnrɔ, bà fyinmpii si mpyi s'a ɲaa, ɲyafeebii si mpyi fyinmii mɛ.»
Ka dánafeebii kuruŋke si pi tùugo. Pi niŋkaribil'à tòro Fenisi kùluni ná Samari wuuni i. Mpii pi ɲyɛ pi ɲyɛ Yahutuu mɛ, pyiŋkanni na pir'à piye kan Yesu á ke, ka pi i lire yyaha jwo cyire kùligii cìnmpyiibil'á. Puru jwumpe mpyi a cìnmpyiibii puni funɲyi táan sèl'e.
