Wà ha dá Kirisita na u zòŋi na, Kile maha jwo na urufol'à tíi. Wà ha yyére li na u ɲwɔge e sùpyire ɲyii na na Yesu u ɲyɛ Kafooŋi, urufoo sí nùmpanŋa ta.
Yire y'à sémɛ Kile Jwumpe Semɛŋi i na: «Yii wíi, kafaage na sùpyire sí raa búruge ke, mii à kuru yaha Siyɔn kànhe e. Kafaage ku sí raa sùpyire cyáan ke, mii à kuru yaha wani. Ŋka ŋgemu u à dá ku na ke, urufoo sì n‑sílege mɛ.»
Yii li cè na y'à sémɛ Kile Jwumpe Semɛŋi i na: «Yii wíi, mii à kafaaga cwɔɔnrɔ, ku tayyéreg'à pêe sèl'e. Mii sí ku pyi bage kafaage sèe woge bage mbìini na Siyɔn kànhe e. Shinŋi u à dá ku na ke, urufoo sì n‑sìi n‑sílege mɛ.»
