Yohane 8:20 - Sura Malelaha

²⁰ Ope-ope iti napahawe Yesu tangana mepaguru i tabangaa Souna Pue Ala i hola peti pambolia doi popenomba. Agaiana bara mani rahaka, lawi bara mani hawe tempoNa.

Yohane 8:20 교차 참조

Yohane 7:30

I tempo iti, rapeinaomi mohaka Yesu, agaiana bara ara au bai mokingki, lawi bara mani hawe tempoNa.

Yohane 7:8

Laokau ikamu i posusa iti. Iko, bara maniNa lao, lawi bara mani hawe tempoKu.”

Markus 12:41

Yesu mohuda hungku i peti pambolia doi popenomba, hai mokamata tauna au mopusa doi popenombanda i lalu. Bosa tauna au pebuku mopusa doi au ngkaia.

Yohane 7:44

Arahe au mampeinao mohaka, agaiana bara ara au bai mokingki.

Markus 12:43

Yesu mokakio topeguruNa, Nauliangaahe, “Tou mpuu au Kuuliangaakau: tobemba au meahi-ahi tuwona iti, popenombana melumbu hangko i ope-ope tauna ntanina au mopusa popenombanda,

Matiu 27:6

Kapala-kapala tadulako mpenomba motimahe doi iti, rauli, “Doi ide, doi intolohi wahe. Moula atura agama, doi ide bara peisa rapake i Souna Pue Ala.”

Yohane 10:39

Karahadina to Yahudi lolitana Yesu, rapetandaka mbulimi mohaka Yesu, agaiana bara mani mala.

Yohane 8:59

Karahadina to Yahudi lolitaNa iti, motimamohe watu rapeinao mowatui Yesu. Agaiana Yesu padu ngkandii hangko i Souna Pue Ala hai barapi raita.

Lukasi 20:19

Guru-guru agama hai kapala-kapala tadulako mpenomba moisa kaihirana au natunggai Yesu i lalu ngkora pandiriNa inona. Ido hai arami tunggaianda mohaka Yesu i tempo iti. Agaiana barahe bai, lawi mampokalangahe tauna bosa.

Matiu 26:55

I tempo iti, nauli mbuli Yesu i tauna bosa, “Tauna kadakeriNa pae dide, pane moantikau piho hai pewombe mai mohakaNa? Alo-alona mohudaNa mepaturo i Souna Pue Ala. Moapari hai baraNa nihaka i tempo iti?

Lukasi 21:1

I lalu Souna Pue Ala, Yesu moita bahangkia tauna au pebuku mopusa doinda au ngkaia i lalu peti pambolia doi popenomba.

Yohane 2:4

Nauli Yesu, “Ina, apari tunggaiamu mouliangaaNa nodo? Bara mani hawe tempona Kupopaisaahe kahemaNgku.”

Yohane 7:14

I tanga mposusa iti, Yesu mesua i lalu Souna Pue Ala, hai mepongkami mepaguru.

Yohane 8:2

Kahalona madondo-dondo, lao mbulimi Yesu i Souna Pue Ala. Maimi rahungkuki tauna bosa, hai mohudami Ia mepaguru i tabangaa Souna Pue Ala.