Yohane 7:6 - Sura Malelaha

⁶ Mewali nahanaihe Yesu, Nauli, “Bara mani hawe tempona mopatongawaNa wataNgku. Ane ikamu, impira pea niunde lao i Yerusale peisa,

Yohane 7:6 교차 참조

Matiu 26:18

Nahanaihe, “Laomokau i hadua tauna i lalu wanua, niuliangaa node, nauli Guru, hawemi tempoNa. Naunde mamposusai alo mahile Pasa i soumu hai topeguruNa.”

Yohane 13:1

Hangalo hangko damani hawe Alo Posusa Pasa, naisami Yesu kaina hawenami tempoNa mopalehi dunia hai mesule i UmaNa. Ia mampokaahihe ope-ope tauna au meula Iria, hai batena Napokaahihe duuna i kahopoana.

Yohane 17:1

Karoona Yesu mopahawe ope-ope iti, mengoami hai mekakae, Nauli, “UmaNgku, hawemi tempona! Popeawamide AnaMu bona AnaMu mampopeawa woriKo Uma.

Yohane 2:4

Nauli Yesu, “Ina, apari tunggaiamu mouliangaaNa nodo? Bara mani hawe tempona Kupopaisaahe kahemaNgku.”

Yohane 7:30

I tempo iti, rapeinaomi mohaka Yesu, agaiana bara ara au bai mokingki, lawi bara mani hawe tempoNa.

Yohane 7:8

Laokau ikamu i posusa iti. Iko, bara maniNa lao, lawi bara mani hawe tempoKu.”

Yohane 8:20

Ope-ope iti napahawe Yesu tangana mepaguru i tabangaa Souna Pue Ala i hola peti pambolia doi popenomba. Agaiana bara mani rahaka, lawi bara mani hawe tempoNa.

Suro 1:7

Nahanai Yesu, “UmaNgku pea au mopakanoto ba impira ina mewali ope-ope tunggaiaNa au Nababehi hai kuasaNa. Bara paraluu niisa ikamu.