Yohane 7:48 - Sura Malelaha

⁴⁸ Peita ane ara hadua tadulakonta ba toParisi au mepoinalai i Yesu!

Yohane 7:48 교차 참조

Yohane 12:42

Nauri nodo, ara worihe bosa tadulakonda to Yahudi au mepoinalai i Yesu. Agaiana i lalunda pea mepoinalai, lawi mampokalangahe toParisi; langahe ina barapohe rapaliu mesua i sou penombaa.

1 Korintu 2:8

Tadulako i dunia ide, barahe moisa tunggaiana Pue Ala. Lawi ane keraisa, kebarahe mopaku Amputa au meawa tuwoNa i kau mombehape.

1 Korintu 1:20

Apa bundunda tauna au mapande? Apa bundunda guru agama Yahudi? Apa bundunda tauna au mapande mololita i dunia ide? I peitana Pue Ala, ope-ope kapande manusia Naimba mbero-mbero pea.

Yohane 7:26

Peita, olouto mepaturo hai bara ara kalangaNa, hai bara ara au mokambaroa. Inee mpuu pae raisami tadulakonta kaIana Datu Topehompo?

Suro 6:7

Hangko inditi, tebambari ntepuumi Ngkorana Pue Ala, mewali kabosa-bosaamohe tauna i Yerusale au meula i Yesu, hai bosa worihe tadulako mpenomba au mepoinalai i Yesu.

Yohane 7:50

Roo indo, mololita worimi hadua toParisi au rahanga Nikodemus. Nikodemus iti, hambelami mampombelambia Yesu. Nauli Nikodemus i hangka rangana:

Matiu 11:25

I tempo iti, mekakaemi Yesu, nauli, “O Uma, Ampu langi hai tampo! KutoiaKo, lawi ope-ope au tewuniangi hangkoia, Nupopaisaamohe tauna au i woi tuwonda, agaiana Nuwuniangiahe tauna au mapangka posikolanda hai tauna au mapande,

Lukasi 23:13

Hangko indo, Pilatu mogulu mbulimi ope-ope kapala tadulako mpenomba hai totosae boea hai tauna bosa,

Yohane 3:1

Ara hadua au rahanga Nikodemus. Nikodemus iti iami toParisi hai tadulako agama Yahudi.

Yohane 7:49

Batena pea tauna bosa au mepoinalai Iria, lawi barahe moisa paturona Musa. Hararamohe!”