Yohane 6:66 - Sura Malelaha

⁶⁶ Mepongka i tempo iti, bosahe topeulana Yesu mousuli. Barapi raunde meula Iria.

Yohane 6:66 교차 참조

Lukasi 9:62

Agaiana nauliangaa Yesu, “Tauna au mepongka mopajeko, bara peisa membalili i taleu. Nodo wori tauna au mampeinao meula Iriko agaiana mobuhuinao liliu apa pea au napalehi, bara hintoto mewali topobago i lalu poparentana Pue Ala.”

1 Yohane 2:19

Tauna au mampoiwalihe Kerisitu iti arahe i olonta hangkoia, agaiana katouana barahe ranganta. Ido hai padumohe mopatani hangko irikita. Ane rapana tou-tou rangantahe, kemia-miahe taporanga. Agaiana megaakimohe hangko irikita, ido hai manoto kadanda mpuu huba hadua au himbela hai ikita.

Ibarani 10:38

Tauna au manoto i peitaNgku ina molambihe katuwo maroa hangko i pepoinalainda. Agaiana ane arahe au mousuli hangko i pepoinalainda, barahe Kupokana.”

Yohane 6:60

Kamohadinda lolitana Yesu, bosahe topeulaNa au manguli, “Mapari mpuu paturo iti. Hema pae au peisa mampeulai?”

2 Timotiu 4:10

Lawi ina barapi ara au mamporangaina inde. Napalehimona Demas, lawi laomi i Tesalonika mohaoki katuwona i dunia ide. Kreskes, lao i Galatia. Titu lao i Dalmatia.

Yohane 8:31

Mewali, mololitami Yesu i to Yudea au mepoinalai Iria, Nauli, “Ane nipeulai liliu paturoNgku, ina mewali mpuukau topeulaNgku,

2 Timotiu 1:15

Nuisato, rapalehimona ope-ope to Sarani i propinsi Asia, tepesuahe Figelus hai Hermogenes.

Matiu 19:22

Kamohadina lolitana Yesu, masusa laluna hai padumi, lawi ngkaia anu-anuna.

Yohane 6:64

Nauri nodo, ara manihe hanggaa i olomi au bara mepoinalai.” (Yesu manguli nodo lawi Naisami hangko i nguru-nguruna kahemanda au bara ina mepoinalai Iria, hai Naisa worimi kahemana au ina mampobalu wataNa.)

Yohane 2:2

Yesu hai topeguruNa rakakio worihe lao i posusa iti.

Yohane 7:3

Ido hai rauli halaluna Yesu Iria, “Ineeko inde liliu! LaomoKo i Yudea bona topeulaMu moita tanda kuasa au Nubabehi.