Yohane 6:11 - Sura Malelaha

¹¹ Hangko inditi, Yesu moalami roti, Napekakaea, hai rakira-kiraahe tauna bosa au tanganda mohuda. Nodo wori kaNababehina i ikane. Maandemohe ope-ope duunda mabuhu.

Yohane 6:11 교차 참조

Yohane 6:23

Roo indo, hawemohe tauna moduanga hangko i wanua Tiberias, hai mesorehe hungku i paandea tauna bosa moande roti au nawati Pue Yesu.

Roma 14:6

Tauna au mopaioru alo au tepakanoto, iti rababehi bona mobila Pue. Tauna au moande mampopengaa paande, iti raande bona mobilahe Pue, lawi mangulihe ngkaia kamaroana i Pue Ala. Nodo wori tauna au moande peahe paande au tepakanoto. Tauna iti moulahe palianda bona mobilahe Pue, hai manguli worihe ngkaia kamaroana i Pue Ala.

Matiu 15:36

Naalami roti au pitu oguna hai ikane kokoi au bahangkia baana iti, hai mekakae i Pue Ala. Roo indo, Ia mobise-bisemi roti hai ikane hai Naweihe topeguruNa bona rakira-kiraahe tauna bosa.

Lukasi 24:30

Mohudamohe hihimbela ina maande, Yesu moala roti. Napekakaea, Nabise-bise hai Nahuhuahe.

1 Korintu 10:31

Agaiana kuuli: ane maandeke ba maenuke, ba apa pea au tababehi, hangangaa tababehi bona Pue Ala rapomahile.

Suro 27:35

Karoona Paulu mololita nodo, moalami paande, hai mekakae i Pue Ala i lindonda ope-ope tauna. Paande iti nakira-kiraahe, hai ia haduduana mepongkami maande.

Yohane 6:9

“Inde ara hadua anangkoi tobalilo au mebaku lima oguna roti hai rombaa ikane, agaiana apa pae pobunduana i tauna bosa ide?”

Yohane 21:9

Pendaulunda hangko i duanga, moitamohe api inditi, hai i wongko api iti ara ikane hai ara wori roti i holana Yesu.

Yohane 21:10

Nauliangaahe Yesu, “Nianti mai bahangkia baana bau au hangko nidala.”

Yohane 21:13

Yesu moala roti hai ikane, hai Naweihe topeguruNa.