Yohane 5:39 - Sura Malelaha

³⁹ Moparesakau Sura Malelaha, lawi nipehangu hangko i Sura Malelaha iti nilambi katuwo maroa au bara mokahopoa. Moleri Sura Malelaha iti mololita kana Iriko.

Yohane 5:39 교차 참조

Lukasi 24:27

Hangko indo, Yesu mopakanotoahe ope-ope au teuki i lalu Sura Malelaha kana i wataNa, mepongka hangko i Sura Aturana Musa duuna i ope-ope suranda nabi au ntanina.

Lukasi 24:44

Roo indo, mololitami Yesu irihira, Nauli, “Ope-ope au teuki i lalu Sura Aturana Musa, suranda nabi hai i sura Petoia kana i wataNgku hangangaa tepabukei. Ide lolitaNgku au Kupahaweamokau i tempoKu mani hihimbela hai ikamu.”

Suro 17:11

Tauna i Berea iti maroa lalunda, bara nodo au i Tesalonika, lawi mampehadingihe lolitanda Paulu hai Silas hangko i katanana lalunda. Alo-alona moparesahe Sura Malelaha bona raisa ba manoto lolitana Paulu ba bara.

Matiu 22:29

Nahanai Yesu, “Sala ntepuu pekirimi, lawi bara niisa ihi Sura Malelaha, bara wori niisa kuasana Pue Ala.

Suro 13:27

Lawi ampu wanua Yerusale hai tadulakonda, barahe moisa kahemana Yesu iti. Barahe moisa lempona lolitanda nabi-nabi au rabasa i alo-alo Penombaa. Ido hai mohuku matehe Yesu. Agaiana apa au rababehi iti mewali bona tepabukei apa au rauli nabi-nabi hangkoia.

Yohane 5:46

Ane tou-toukau mepoinalai i Musa, manoto kenipoinalai woriNa, lawi apa au nauki Musa, iti mampololita kana Iriko.

Roma 3:2

Ngkaia mpuu rasi irikita to Yahudi, hai mahile pobunduana! Kaisa-isa, i toYahudimi Pue Ala mopahawe NgkoraNa.

Markus 12:10

Bara mani pae nibasa lolita i lalu Sura Malelaha au manguli node: ‘Watu au ratende topoaro sou, watu iti au mewali pohudaa sou.

Pampetudungia 19:10

Molingkudumona motumpa i lindona malaeka iti menombana iria, agaiana nauliangaana, “Inee! Ineeko menomba iriko. Batena pea Pue Ala au hintoto nupenombai. Lawi ide iko, hawina pea worina Pue Ala himbela hai oio hai ope-ope halalumu au mopangaku kaYesuna au rapenombai. Lawi tunggaiana ope-ope lolitangku ide bona mosabiki kaYesuna Datu Topehompo.”

Roma 1:2

Ngkora Marasa ide nadandimi Pue Ala hai rapahawemi nabi-nabi hangkoia, nodo au teuki i lalu Sura Malelaha.

Suro 26:27

Datu Agripa au kubila! Ba nupoinalai apa au rauli nabi-nabi hangkoia? Kuisa kanupoinalaina!”

Yohane 7:52

Mehanahe rangana, rauli, “Ba to Galilea woriko! Nuwile hai nuparesa i lalu Sura Malelaha. Bara ara nabi au mesupa hangko i Galilea.”

Yohane 5:32

Agaiana ara au ntanina au mosabi kana Iriko, iami UmaNgku, hai Kuisa katouna posabiNa.

Yohane 5:36

Agaiana Iko, ara hampaka au mopakanoto kahemaNgku, hai iti meliu hangko i posabina Yohane. Ane niita apa au Kubabehi, itimi au mopakanoto kahemaNgku. Apa au Kupobago ide-ide, iami au nahawaaNa UmaNgku bona Kupobago hawe roo. Bago iti mewali tanda au mopakanoto kaIkona au natudu UmaNgku mai i dunia ide.

Lukasi 16:31

Agaiana nauli Burahima, ‘Ane lolitana Musa hai lolitanda nabi bara radoko, batena barahe ina mepoinalai, kehapiri ara tomate au tuwo hule.’ ”

Ibarani 11:16

Agaiana tampo au rahaoki, iami suruga au meliu kamaroana. Ido hai Pue Ala bara maea ane rauli Ia Pue Ala au rapenombai, lawi Napasilolongaamohe paidaanda i suruga.

Kolose 3:16

Hangangaa nipailalu liliu Ngkorana Kerisitu. Mombepakaroho mpolalumokau hai mombepaturokau moula sukana kanotona lalumi. Mampolingakau nani petoia, hai nani pepomahile, hai nani ntanina au naweikau Inao Malelaha. Hangko i lalumi mpuu, monanikau manguli ngkaia kamaroana i Pue Ala.

Lukasi 16:29

Nahanai Burahima: ‘Bara! Lawi arami surana Musa hai suranda nabi-nabi au raukiahe. Pogiangaamohe mampeulai apa au teuki i lalu sura iti.’

Yohane 1:45

Hangko inditi, lao worimi Pilipu mampombelambia rangana au rahanga Natanael, nauliangaa, “Kilambimi Datu Topehompo, nodo au teuki i lalu Sura Aturana Musa hai suranda nabi hangkoia! Hangana Yesu. Ia anana Yusupu hangko i boea Nasare.”

Ibarani 11:35

Anti pepoinalainda, arahe towawine au molambi hulehe ananda au matemi, lawi rapatuwoa sulehe. Agaiana ara worihe au rapopeahi-ahi duunda mate anti pepoinalainda. Agindami rapapate panehe mosapuaka Pue Ala, lawi mampeinaohe rapatuwo hule bona molambihe katuwo au meliu kamaroana.

Lukasi 24:25

Roo indo, nauli Yesu, “Ntuli mpuukau! Moapari pane bara niisa lempona apa au mewali? Bara pae nipoinalai ope-ope au rauli nabi hangkoia?

Yohane 5:40

Agaiana bara mani niunde mai Iriko bona molambikau katuwo maroa au bara mokahopoa.

Markus 10:3

Nahanai Yesu, nauli, “Parenta apa au naweikau nabi Musa?”