Yohane 4:15 - Sura Malelaha

¹⁵ Nauli towawine iti, “Ane nodo tua, Nuweimona owai iti bona barapona mangkadou, hai barapona paraluu mai mantambu alo-alona inde.”

Yohane 4:15 교차 참조

Yohane 6:34

Rauliangaa tauna bosa, “Ane nodo, wei wongkamia paande iti alo-alona!”

Roma 8:5

Hema au moula peundeana lalunda au kadake, mopaioru liliuhe au kadake. Agaiana hema au moula peundeana Inao Malelaha, peundeana Inao Malelaha iti au rapaioru.

Roma 6:23

Hema au mobabehi dosa batena molambi hurungina, hai hurungina iti iami kapate au mogaakike hangko i Pue Ala. Agaiana anti kabulana laluna Pue Ala irikita, ido hai Naweike katuwo maroa au bara mokahopoa. Kabulana laluNa iti tahumba anti pohintuwuta hai Kerisitu Yesu, Amputa.

Yohane 6:26

Mehana Yesu, “Tou mpuu lolitaNgku ide: Kuisa apa tunggaiami mohaokiNa. NihaokiNa lawi mabuhumokau Kupaande, bara anti poisami lempona tanda au Kubabehi.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

Yakobu 4:3

Nauri pae niperapimi, agaiana bara ina nilambi, lawi tunggaiami bara maroa. Lawi apa au niperapi iti, ina nipake pea mopabukei peundeana lalumi haduduami.

1 Korintu 2:14

Tauna au bara moisa Pue Ala, barahe mampoinalai paturo au hangko i Inaona Pue Ala, lawi rauli, “Paturo iti, lolita tontuli.” Bara rabuku tauna iti modoko paturo au hangko i Inaona Pue Ala, lawi paturo iti hangangaa napakanoto Inao Malelaha i lalunta.

Yohane 4:16

Nauli Yesu, “Laomoko hampai mokakio tobalilomu, hai mesuleko mai.”

Yohane 6:35

Nauli Yesu, “Iko idemi paande au mepatuwo. Hema au mai Iriko hai mepoinalai Iriko, barapohe ina marimi hai barapohe ina mangkadou hawe i hae-haena.