Yohane 3:34 - Sura Malelaha

³⁴ Lawi Iami au natudu Pue Ala mohowara NgkoraNa, hai Pue Ala mowei Inao Malelaha Iria au bara ara hokana.

Yohane 3:34 교차 참조

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Yohane 15:26

Ina mai Inao Malelaha, lempona Inao au mesuwu hangko i Pue Ala hai au moninikau i paturo au tou. Ia Topetulungi au ina Kutudu mai irikamu au hangko i UmaNgku. Ane mai, Ia ina mosabi kana Iriko.

Matiu 12:18

“Idemi hawiNgku au Kupilei, au Kupokakaia, hai au mopamatana laluNgku. Ina Kuwei InaoNgku Iria. Ia ina mopahawe parentaKu au manoto i ope-ope tauna.

Kolose 2:9

lawi i Kerisitu au mewalimi manusia tahumba ope-ope kuasana hai poantina Pue Ala au bara ara kamakurana.

Yohane 5:26

Lawi UmaNgku makuasa mopatuwo tauna. Nodo wori Iko, AnaNa, NaweiNa kuasa mopatuwo tauna.

Lukasi 4:18

“Inaona Pue Ala mendaulu Iriko, lawi Ikomi au Napakanoto mobambari Ngkora Marasa i tauna au meahi-ahi tuwonda. NatuduNa mopahawe i toratawani kaina rakabahanda, hai mouliangaahe tobilo kaina meitanda. NatuduNa mokabahahe au rapohawi,

Kolose 1:19

Ope-ope ide mampololita kana i Kerisitu, lawi Pue Ala mopakanoto bona ope-ope au ara Iria ara wori i AnaNa.

Roma 8:2

Lawi anti pohintuwuta hai Kerisitu Yesu, Inao Malelaha moweike katuwo au wou hai mokabahake hangko i kuasa dosa au mopaara kapate.

Yohane 7:16

Nauliangaahe Yesu, “Au Kupaguruakau, bara hangko Iriko, agaiana hangko i Pue Ala au motuduNa.

Yohane 3:17

Pue Ala motudu AnaNa mai i dunia bara mai mohuku manusia. Agaiana bona mai mohorema manusia hangko i huku dosanda.

Yohane 1:16

Bara mokahopoa ahiNa, hai hangko i ahiNa iti, Ia mowatike ope-ope. Pewati au tahumba hangko Iria bara botu-botu.

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

Yohane 8:47

Taunana Pue Ala raunde mampehadingi hai mampeulai lolitana Pue Ala. Agaiana ikamu, bara niunde mohadi hai mampeulai lolitaNgku, lawi barakau hangko i Pue Ala.”

Pampetudungia 22:1

Natudungia worina malaeka iti hambua owai au malino nodo watu au meninto; owai iti mopaara katuwo. Uluna mesuwu hangko i kadera kadatuana Pue Ala hai Ana Dimba,

Yohane 16:7

Agaiana katouana, ina molambikau roa ane paduNa! Lawi ane baraNa padu, bara ina hawe Topetulungi. Agaiana ane paduNa, ina Kutudu Topetulungi iti mai irikamu.

Pampetudungia 21:6

Hangko indo, Nauliangaa mbulina, “Hopomi! Ikomi, Alpa hai Omega, Au pepongkana hai Au Kahopoana. Tauna au mangkadou, Kuweihe owai hangko i ulu owai au mopaara katuwo maroa au bara mokahopoa. Owai iti Kuwei mberohe, bara raholo.

Yohane 8:40

Mopahawena paturo au tou au Kudoko hangko i Pue Ala, agaiana nipeinaoriNa nipapate! Ane Burahima, bara nodo babehiana.

Suro 1:2

duuna hawe i alo pengkaoreNa lao i suruga. Karoona rapapate hai tuwo hule, Yesu mopatongawa wataNa i suroNa. I lalu iba pulona alona, bosa belana mampetudungia wataNa bona tongawa katuwo huleNami. I tempo iti, ihira ara hihimbela hai Ia, hai Napahaweahe kana i poparentana Pue Ala. Hangko damani mengkaore lao i suruga, Naweihe hawaNa hai kuasaNa Inao Malelaha i suroNa au Napileimi.