23-24 I tempo iti, Yohane bara mani ratarunggu. Ia meriu i boea Ainon, bara karao hangko i boea Salim, lawi inditi handa owai. Alo-alona tauna lao mampoperiu i Yohane.
Bosa tauna lao mampoperiu i Yohane, agaiana nauliangaahe Yohane, “Ikamu au motengko babehiami, moapari hai maikau? Ba nipehangu peisakau tekabaha hangko i karumpuna Pue Ala au ina morumpakau?
Roo indo, kuhadi wori ponganganda tauna au bosa ntepuu. Ponganganda iti nodo powoo owai au mahile, hai nodo pomoni gumpata. Kuhadihe manguli, “Haleluya! Toiami Pue Ala. Lawi Amputa Pue Ala moparentami! Melumbu kuasaNa hangko i hinangkana.
Ara kuhadi pomoni au mahile hangko i suruga, nodo powoo owai au ngkaia, hai karumihina nodo pogumuru gumpata. Pomoni au kuhadi iti, nodo wori pomoni kecapi au rakalea tauna.
