Yohane 21:2 - Sura Malelaha

² Hambela tempo bahangkiahe topeguruna Yesu mogulu i wiwi rano, iami Simo Peturu, Tomas au rauli Toporopa, Natanael hangko i boea Kana i tampo Galilea, rodua anana Sebedeus, hai rodua topeguruna Yesu au ntanina.

Yohane 21:2 교차 참조

Yohane 4:46

I tampo Galilea iti, lao mbulimi Yesu i boea Kana, i boea pobalikiaNa owai mewali anggoro. Inditi ara hadua tauna au mobago i sou kadatua i boea Kapernaum. Anana au tobalilo tangana mahai rumihi.

Yohane 1:45

Hangko inditi, lao worimi Pilipu mampombelambia rangana au rahanga Natanael, nauliangaa, “Kilambimi Datu Topehompo, nodo au teuki i lalu Sura Aturana Musa hai suranda nabi hangkoia! Hangana Yesu. Ia anana Yusupu hangko i boea Nasare.”

Yohane 20:28

Nauli Tomas, “Oiomi Ampuku hai Pue Ala au kupenombai!”

Yohane 11:16

Tomas, au rauli Toporopa, mouliangaahe hangka topeguruna, “Maikau meulake Iria nauri mateke hihimbela hai Ia.” Mewali lao mpuumohe i tampo Yudea.

Yohane 2:11

Yesu mobabehi tanda kuasa au nguru-nguruna iti i boea Kana i tampo Galilea. Hai tanda kuasa iti, Ia mopatongawa peawaNa. Roo indo, rapoinalaimi topeguruNa.

Lukasi 5:10

Ara worihe rodua rangana Simo Peturu au mampotingkara. Hanganda iami Yakobu hai Yohane, ananahe Sebedeus au mobago sambelahe hai Simo Peturu. Nauli Yesu i Simo, “Ineeko langa. Mepongka ide-ide, barapoko modala ikane, agaiana manusiami au nudala.”

Markus 1:19

Roo indo, napaliliu Yesu polumaoNa, hai Naita mbuli rodua topohalalu, iamohe, Yakobu hai Yohane, ananahe Sebedeus, au tanganda mopakaroa dala i lalu duanga.

Yohane 2:1

Liu rongalo hangko inditi, ara posusa petauna i boea Kana i tampo Galilea. Inana Yesu ara i posusa iti.