Yohane 21:12 - Sura Malelaha

¹² Nauli Yesu, “Maikau molabi.” Bara ara hadua topeguruNa au bai mekune Iria, “HemaKo?” lawi manotomi i lalunda kaIanato Pue Yesu.

Yohane 21:12 교차 참조

Suro 10:41

Agaiana Yesu bara tongawa i ope-ope tauna, batena pea irikami au napilei amimongkai Pue Ala mewali sabiNa. Hai i katuwona hule Yesu, maenu hai maande sambelangkai hai Ia.

Yohane 16:19

Naisa Yesu karapeinaona mekune Iria. Ido hai Nauliangaahe, “Ba ia lolitaNgku inona au manguli, ‘Hampalai pearai, barapoNa ina niita. Hampalai pearai wori, ina niita suleNa’

Yohane 21:15

Karoonda maande, Yesu mololita i Simo Peturu, nauli, “Simo anana Yona, ba nupokaahiNa meliu hangko i pepokaahinda rangamu iti Iriko?” Nauli Peturu, “Io, Pue. Nuisato kakupokaahiMu.” Nauli Yesu, “Ane nodo, nukadipurahe dimbaKu.”

Markus 9:32

Agaiana tunggaiana lolitana Yesu bara raisa topeguruNa, hai bara worihe bai mekune Iria.

Yohane 4:27

Tangana mani Yesu mololita hai towawine iti, hawemohe topeguruNa hangko boea. Tingkarahe moita Yesu mololita hai hadua towawine. Agaiana bara ara hadua au bai mekune i towawine iti ba apa paraluuna. Bara worihe bai mekune i Yesu ba apa tunggaiaNa mololita i towawine iti.

Lukasi 9:45

Agaiana bara raisa topeguruNa apa tunggaiana lolitana Yesu, lawi tewuniangi mani lempona irihira. Bara worihe bai mekune Iria apa lempona lolitaNa.

Matiu 22:46

Bara ara hadua au mohanai. Mepongka i alo iti, barapi ara hadua au bai mekune ba apa-apa i Yesu.

Yohane 21:11

Simo Peturu mengkahe i duanga hai modii dala lao i lore. Dala iti buke bau au mahile: hangatu lima pulona hai talu baana. Nauri nodo kangkaiana, dala iti bara wori mahepa.