Yohane 19:42 - Sura Malelaha

⁴² Lawi talumba iti hungku hai barapi mahae ina mepongkami Alo Pengkarooangaa, ido hai watana Yesu hoholiga rawoli i lalu talumba iti.

Yohane 19:42 교차 참조

Yohane 19:31

Karapakuna Yesu i kau mombehape iti mewali hangalo hangko damani Alo Pengkarooangaanda to Yahudi, hai moula palianda bara peisa ara tomate au tetoe i kau mombehape i Alo Pengkarooangaa. Apa mani lawi ina kana Posusa Pasa. Ido hai tadulakonda to Yahudi merapi i Pilatu bona torapaku itihe ratepo bitinda bona holigahe mate. Hai raperapi wori bona watanda tauna iti rataura.

Yohane 19:14

I tempo iti, ina pualomi, hangalo hangko damani Alo Posusa Pasa. Pilatu mouliangaahe tadulakonda to Yahudi, “Peita datumi!”

Yohane 19:41

Hungku i popakuana Yesu, ara halimbo bonde, hai i lalu bonde iti ara kalolu i tabingke bulu au rapasilolonga mewali talumba. Talumba iti wou mani, bara mani hambela rapopatawui.

Kolose 2:12

I tempomi rariu i lalu hangana Kerisitu, himbela pea matemokau, hai ratawumokau hihimbela hai Kerisitu, lawi nikabahami katuwomi hai babehiami au hangkoia. Hai i lalu karariumi iti, rapatuwo hule worimokau hihimbela hai Ia, lawi molambimokau katuwo au wou anti pepoinalaimi i kuasana Pue Ala au mopatuwo hule Yesu hangko i kapate.

1 Korintu 15:4

I kapateNa, ratawumi, hai i alo katalu rapatuwo hulemi, nodo au teuki i lalu Sura Malelaha.

Suro 13:29

Karoona ope-ope au teuki hangkoia rababehi, rataurami wataNa hangko i kau popakuaNa hai ratawu.

Yohane 19:20

Uki iti rauki i lalu talu pakana basa: basanda to Yahudi, basanda to Roma, hai basanda to Yunani. Bosa to Yahudi mobasa uki i pata iti, lawi popakuana Yesu hungku i wanua.

Matiu 12:40

Nodo nabi Yunu talu alona talu wengina i lalu tai bau au mahile, nodo wori Iko Ana Manusia ina talu alona talu wengina i lalu talumba.