Yohane 18:15 - Sura Malelaha

¹⁵ Simo Peturu hai hadua topeguruna Yesu au ntanina meulahe i Yesu. Topeguruna Yesu au hadua iti, hampombekaisangana Tadulako Mpenomba Mahile. Mewali, topeguruNa iti mesuami hihimbela hai Yesu i tabangaa souna Tadulako Mpenomba Mahile.

Yohane 18:15 교차 참조

Lukasi 22:54

Hangko inditi, rahakami Yesu hai raanti lao i souna Tadulako Mpenomba Mahile. Peturu meula ngkarao pea.

Markus 14:54

Peturu meula ngkarao pea duuna hawe i tabangaa souna Tadulako Mpenomba Mahile. Inditi, ia mohuda mamindu hihimbela hai topekampai.

Matiu 26:3

I tempo iti, kapala-kapala tadulako mpenomba hai totosaenda to Yahudi mogulumohe i souna Tadulako Mpenomba Mahile au rahanga Kayapas.

Yohane 18:24

Hangko inditi, Hanas motuduhe topekampai moanti Yesu lao i Tadulako Mpenomba Mahile Kayapas. I tempo iti, taiena Yesu tehilu mani.

Yohane 18:28

Madondo-dondo, Yesu raanti hangko i souna Kayapas lao i souna gubernur. Tadulakonda to Yahudi, barahe mesua i lalu souna gubernur datihe mewali kedai moula atura agamanda, lawi gubernur iti bara to Yahudi. Hai ane mesuahe i lalu souna, barahe peisa moande paande Pasa.