Yohane 17:21 - Sura Malelaha

²¹ Kuperapi bona ihira ope-ope hampepekiri. Nodo Uma mohintuwu hai Iko, hai Iko mohintuwuNa hai Uma, Kuperapi bona ihira wori mohintuwu hai Ikita bona ope-ope tauna ina mampoinalai kaOiona au motuduNa.

Yohane 17:21 교차 참조

1 Korintu 12:12

Ikita au mepoinalai i Kerisitu peisa rapandiri nodo wata tauna. Ane wata tauna hambua pea, agaiana ngkaia ngaana. Nauri ngkaia ngaana, ope-ope ngaa iti mewali pea hambua wata.

Yohane 17:11

Ina mesulemoNa Irio Uma, barapoNa mahae i dunia ide. Agaiana topeulaNgkuhe ide, i dunia manihe. O UmaNgku au malelaha, Kuperapi Nukampaihe hai kuasana hangaMu au NuweimoNa. Nukadipuramohe bona hampepekiri peahe, nodo Oio hai Iko hampepekiriKe.

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

Yohane 13:35

Ane mombepokaahikau, ina raisa ope-ope tauna ikamu topeguruNgkukau.”

Suro 4:32

Ope-ope tauna au mepoinalai i Yesu, mohintuwu hai hampepekirihe. Bara ara hadua au manguli, “Ide, iko ampuna,” agaiana ope-ope au ara irihira rapoanu sambela.

Yohane 17:8

Kupahaweamohe ope-ope lolita au NupahaweaNa. Lolita iti radokomi, hai ide-ide tou-tou mpuu raisami Iko hangko IrioNa mai. Rapoinalaimi kaOiona au motuduNa.

Yohane 10:38

Agaiana ane mobabehiNa bago au hangko i UmaNgku, hangangaa nipoinalaiNa. Kehapiri baraNa nipoinalai, bagoNgku hangangaa nipoinalai. Ane nipoinalaimi pobagoNgku, ina niisa mpuu i lalumi: mohintuwuNa hai UmaNgku, hai UmaNgku mohintuwu hai Iko.”

Yohane 10:30

Iko hai UmaNgku, hadua peaNgkai.”

Galatia 3:28

Pue Ala bara mampopontani tauna maroa to Yahudi ba bara to Yahudi, maroa hawi ba au bara hawi, maroa tobalilo ba towawine; i peitana Pue Ala himbela haha peake anti pohintuwuta hai Kerisitu Yesu.

1 Korintu 1:10

Halalu, hangko i kuasa au naweina Amputa Yesu Kerisitu, kuperapi bona mohintuwukau ope-ope. Ineekau mopaara posisala. Hangangaa mohintuwukau hai hampepekirikau.

Roma 12:5

Nodo wori ikita au mepoinalai i Kerisitu, bosake agaiana hawata-wata peake i lalu pohintuwuta hai Kerisitu. Mohintuwuke hadua hai hadua.

1 Yohane 5:7

Mewali, ara talu pakana au mopakanotoake kaYesunami Anana Pue Ala iami, Inao Malelaha, owai au rariua hai waheNa Yesu i kapateNa. Au talu pakana iti himbela tunggaiana: mopakanotoake Iami AnaNa Pue Ala.

Suro 2:46

Alo-alona teruhuhe i Souna Pue Ala. Mokira-kirahe roti anti pokatuinaonda Pue Yesu, hai maande sambelahe i sounda i lalu katana-tana moula kabulana lalunda.

Yohane 17:25

O UmaNgku au manoto, baraKo raisa tauna i dunia ide. Agaiana Iko, KuisaKo. Hai ope-ope tauna au mepoinalai Iriko moisa kaOiona au motuduNa.

Yohane 10:16

Ara manihe dimbaKu au ntanina, agaiana barahe hangko i gimpu ide. Ihira, hangangaa Kunini worihe mai. Ina raisa mpuu wotuNgku, ina mewali peahe hantobu, hai hadua pea au mamporewuhe.

Yohane 17:3

Au Kutunggai hai ‘katuwo maroa au bara mokahopoa’ iami: Moisahe kaOiona Pue Ala au tou, au bara ara karoduaNa, hai moisa worihe Yesu Kerisitu au Nutudu mai i dunia.

Yohane 5:23

Ia mobabehi nodo bona rabilaNa ope-ope tauna nodo pebilanda i UmaNgku. Hema au baraNa mobila, bara worihe mobila UmaNgku au motuduNa.

Yohane 3:17

Pue Ala motudu AnaNa mai i dunia bara mai mohuku manusia. Agaiana bona mai mohorema manusia hangko i huku dosanda.

Yohane 17:18

Nodo Iko, NutuduNa mai i dunia. Nodo wori ihira, Kutuduhe lao i tauna ntanina i dunia.

Yohane 11:42

Kuisa, batena Nupehadingi liliu lolitaNgku. Agaiana lolitaNgku ide Kuuli masisimbuku bona rahadi tauna bosa inde bona rapoinalai kaOiona mpuumi au motuduNa.”

Yohane 17:20

Bara peahe topeguruNgku au Kupekakaea. Agaiana mampekakaea worina tauna au ina mepoinalai Iriko hangko i posabinda.

1 Korintu 6:17

Agaiana hadua tauna au mohintuwu hai Pue, ia hampepekiri hai Pue.

1 Yohane 1:3

Apa au kiita hai kihadimi, iti au kipahaweakau bona ikamu wori mepoinalaikau hai peisakau mohintuwu hai ikami i lalu pohintuwuki hai Pue Ala Umanta hai Yesu Kerisitu AnaNa.

Markus 3:24

Ane pandirina ara hambua kadatua, hai tauna bosa i lalu kadatuana mosisala liliuhe hai mombeewahe, kadatua iti bara ina mantaha.

Yohane 13:32

Hai ane apa au mewali Iriko mopakahile Pue Ala, Pue Ala ina mopamahile woriNa hai kuasaNa. Au Kupololita ide ina holiga pewalina.