Yohane 17:2 - Sura Malelaha

² NuweimoNa kuasa motadulakoi ope-ope tauna bona tauna au NuweimoNa, ina Kukiraiahe katuwo maroa au bara mokahopoa.

Yohane 17:2 교차 참조

Yohane 6:39

Idemi peundeaNa: bona hangko i ope-ope tauna au NaweiNa, inee ara hadua au matanta, agaiana ina Kupopearohe ope-ope hangko i kapate i alo pebotusi.

Yohane 6:37

Ope-ope tauna au naweimoNa UmaNgku, batenda mai Iriko. Hai hema pea au mai Iriko, batena Kudoko hai bara Kusapuaka.

Yohane 17:24

Uma, peundeaKu bona ihira au NuweimoNa ina maida hihimbela hai Iko i paidaaNgku bona moitahe peawaNgku. PeawaNgku iti NuweimoNa, lawi NupokakaiaNa hangko damani dunia ide rapopewali.

Matiu 28:18

Yesu mohungkuki topeguruNa, Nauliangaahe, “Ope-ope kuasa i suruga hai i dunia rahuhuamoNa.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

Yohane 17:9

Kupekakaeahe topeulaNgku iti. BaraNa mampekakaea ope-ope tauna i dunia. Au Kupekakaea, batenda pea tauna au NuweimoNa, lawi kiraMumohe.

Yohane 17:6

Uma, tauna au NuweimoNa hangko i dunia ide, Kupopaisaamohe kahemaMu. Mewalimohe KiraMu; Nuhuhuhe Iriko bona Kukadipurahe, hai mampeulaimohe NgkoraMu.

Yohane 4:14

Agaiana hema au moenu owai au Kuwei, barapi mangkadou hawe i hae-haena. Lawi owai au Kuwei iti, ina moili liliu i laluna; lempona, ina molambi katuwo maroa au bara mokahopoa.”

Yohane 3:35

Pue Ala Umanta mampokaahi AnaNa hai Naweimi ope-ope kuasaNa.

1 Yohane 2:25

Hai idemi dandiNa irikita: katuwo maroa au bara mokahopoa.

1 Peturu 3:22

Hai i karapatuwoNa hule, Yesu mengkaoremi lao i suruga, mohuda ntanda i koanana Pue Ala. Ope-ope malaeka hai au makuasa hai au moparenta, rapopengkoru hahahe Iria.

Ibarani 1:2

Agaiana i alo-alo au ina hawe hangko damani alo pebotusi i kahopoa dunia, lolitana Pue Ala napahaweake AnaNa. Hai AnaNa itimi au Napopatoa mampopewali dunia hai hinangka ihina. Iami au Napakanoto Pue Ala mampoampu hinangkana au ara.

Matiu 11:27

Roo indo, nauli mbuli Yesu, “Hinangkana NaweimoNa UmaNgku. Bara ara hadua au moisaNa, Iko Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.

Yudasi 1:21

Hangangaa tuwokau i lalu pepokaahina Pue Ala, tangami mampegia pekiraina Amputa, Yesu Kerisitu, au ina moweike katuwo au bara mokahopoa.

1 Yohane 1:2

Au mopaara katuwo iti hawemi i dunia ide, hai kiitami. Ido hai kipakanotoakau kahemaNa. Kisabikimi kaIana au mopaara katuwo maroa au bara mokahopoa. Ia au ara hihimbela hai Pue Ala Umanta, hai au rapatongawami irikami.

1 Timotiu 1:16

Agaiana i lalu kamadosangku iti, napokaahina Pue Ala bona i lalu kamahilena dosangku iti, tongawa mpuu kasabarana Yesu Kerisitu. Mewali, i lalu katuwongku ide, tongawa mpuumi ahina Pue, pane peisana mewali pandiri i ope-ope tauna bona mepoinalai worihe i Yesu hai molambihe katuwo maroa au bara mokahopoa.

Pilipi 2:10

bona ope-ope au tuwo ina mengkoru i Yesu, maroa au i suruga, maroa au i dunia, maroa au i paidaa tomate; ope-opehe ina molingkudu menomba Iria,

Epesu 1:20

itimi au Napake mampopearo Kerisitu hangko i kapate bona Napopohuda ntanda i koanaNa i lalu suruga.

1 Korintu 15:25

Lawi Kerisitu hangangaa mewali datu au moparenta, duuna Pue Ala mampopengkoru ope-ope au meewa Iria,

Roma 6:23

Hema au mobabehi dosa batena molambi hurungina, hai hurungina iti iami kapate au mogaakike hangko i Pue Ala. Agaiana anti kabulana laluna Pue Ala irikita, ido hai Naweike katuwo maroa au bara mokahopoa. Kabulana laluNa iti tahumba anti pohintuwuta hai Kerisitu Yesu, Amputa.

Yohane 6:27

Ineekau mobago mohaoki paande au hampalai pea kaopena hai au polo mawai. Agaiana mobagokau mohaoki paande au bara peisa mawai hai au moweikau katuwo maroa au bara mokahopoa. Iko Ana Manusia au ina moweikau paande iti, lawi Ikomi au Napilei Pue Ala hai au Napokatana.”

Matiu 25:46

Napahopo Yesu lolitaNa, Nauli, “Ope-ope tauna au kadake iti ina ratendehe i lalu naraka hai rahuku hawe i hae-haena, hai tauna au manoto ina molambihe katuwo maroa au bara mokahopoa.”