Yohane 17:12 - Sura Malelaha

¹² TempoKu mani hihimbela hai ihira, Iko au mokampaihe hai kuasana hangaMu au NuweimoNa. Kukampaihe datihe ara au matanta. Batena pea hadua au matanta, iami au ina molambi rugi bona tepabukei apa au teuki i lalu Sura Malelaha.

Yohane 17:12 교차 참조

Yohane 18:9

(Nauli nodo bona tepabukeimi apa au Nauli i lalu pekakaeNa inona, “Hangko i ope-ope tauna au NuweimoNa, bara ara hadua au matanta.”)

Yohane 13:18

Apa au Kupololita inona, barakau nakanai ope-ope. Hema-hema au Kupilei Kuisa, amimi poampena. Agaiana hangangaa tepabukei apa au teuki i lalu Sura Malelaha au manguli: ‘Hadua tauna au maande hihimbela hai Iko, ia au ina mampoiwaliNa.’

Yohane 6:37

Ope-ope tauna au naweimoNa UmaNgku, batenda mai Iriko. Hai hema pea au mai Iriko, batena Kudoko hai bara Kusapuaka.

1 Yohane 2:19

Tauna au mampoiwalihe Kerisitu iti arahe i olonta hangkoia, agaiana katouana barahe ranganta. Ido hai padumohe mopatani hangko irikita. Ane rapana tou-tou rangantahe, kemia-miahe taporanga. Agaiana megaakimohe hangko irikita, ido hai manoto kadanda mpuu huba hadua au himbela hai ikita.

2 Tesalonika 2:3

Nauri noumba raranda, inee mpuuhe nipogiangaa mopakanawokau, lawi hangko da hawe Alo iti, hangangaa mewali hampai: bosa tauna ina moewahe Pue Ala, hai Manusia Kadake au tepakanotomi mesua i naraka, ina mampatongawa.

Ibarani 2:13

Nauli mbuli Yesu: “PeharungaNgku, batena pea Pue Ala.” Hai hambela mbuli Yesu manguli: “IdemoNa, hihimbela hai ananahe Pue Ala au NaweimoNa.”

Yohane 17:6

Uma, tauna au NuweimoNa hangko i dunia ide, Kupopaisaamohe kahemaMu. Mewalimohe KiraMu; Nuhuhuhe Iriko bona Kukadipurahe, hai mampeulaimohe NgkoraMu.

Pilipi 2:9

Ido hai naangkami Pue Ala i pohudaa au meawa, hai Nawei kuasa au melumbu hangko i ope-ope kuasa au ara,

Pampetudungia 19:12

MataNa mewangka nodo api au lolaa, hai i waaNa ngkaia songko datu. I wataNa teuki hangaNa, agaiana batena pea Ia au moisa lempona hanga iti.